Teksa deputetja e PD Elda Hoti po bënte pyetje, ka ndërhyrë Ermonela Felaj. Kjo e fundit i tha zonjës Hoti se nuk do të mbajë fjalim, por vetëm pyetje.

Në këto çaste, kanë ndërhyrë edhe deputetët e tjerë demokratë. Deputetja e PD Elda Hoti tha se maxhoranca ka frikë nga aferat ku janë zhytur.

Po kështu i ashpër ka qenë edhe deputeti Falmur Noka, teksa Dumani po raportonte. Ligjvënësi demokrat u ngrit dhe iu afrua foltores, duke hedhur akuza ndaj drejtësisë së kapur dhe mazhorancës për aferat ku ishin zhytur dhe që nuk hetoheshin.

Ermonela Felaj: Ulu moj zonjë, ulu. Nuk do mbash fjalim këtu. Bëni pyetje, jo ligjërata.

Elda Hoti: Jeni në hall të madh sepse keni kryeministrin dhe kryetarin e Bashkisë për burg.

Ermonela Felaj: Bëni pyetjen.

Elda Hoti: Po, kam pyetje.

Ermonela Felaj: Mos i ndërhyni zotit Dumani, po jep përgjigjen e tij, atë që e detyron ligji do japë. Zoti Noka mos ndërhyni, se do ashpërsoj masat disiplinore. /ZOOM.AL/