Në grupin F, Dortmund bën gjithçka mirë ndaj Milanit në Milano, duke fituar 1-3. Në pjesën e parë Reus realizoi nga penalltia, ndërsa Chukwueze vendosi ekuilibrat pas një vallëzimi perfekt në zonë. Në pjesën e dytë, verdhezinjtë shënuan 2 herë me talentin Gittens dhe Adeyemi. Barazim i papritur i PSG në shtëpi me shifrat 1-1 ndaj Newcastle.

Kështu, llogaritë në këtë grup janë të hapura, Dortmund ka 10 pikë në krye, e ndjekur nga PSG me 7 pikë, 5 pikë ka Newcastle dhe 5 Milani.

Në grupin E, Atletico Madrid (11 pikë) është kualifikuar për në fazën tjetër pas suksesit 1-3 ndaj Feyenoord. Feston edhe Lazio  me 10 pikë, duke lënë mbrapa holandezët me 5 pikë, teksa italianët kualifikohen.

Në grupin G, City i kualifikuar u përball me Leipzig, me ndeshjen që u mbyll 3-2 në Angli.

Në grupin H, fitore 2-1 e Barcelonës ndaj Portos. Katalanasit kryesojnë me 12 pikë dhe kualifikohen pothuajse të parët e grupit, ndërsa më pas vijnë Porto e Shakhtar që do diskutojnë një biletë për në fazën tjetër në ndeshjen direkte.

Ndeshjet e djeshme:

Milan 1–3  Dortmund

Barcelona 2–1 Porto

Feyenoord 1-3 Atletico Madrid

Manchester City 3-2 Leipzig

PSG 1–1 Newcastle

Young Boys 2– 0 Crvena Zvezda

Lazio-Celtic  2-0

Shakhtar-Antwerp 1-0