Skuadra e sheikëve PSG sipas statistikave, nuk ka kaluar asnjëherë fazën kur humbet në shtëpi, teksa katalanasit dy dekadat e fundit kanë shifra pozitive të kualifikimit nëse fitojnë të parën jashtë fushe. Edhe Atletico e Madridit ruan pothuajse të njëjtat statistika nëse fiton të parën në shtëpi, edhe pse Dortmund nuk është aq modest sa duket.

Të besuarit e Lusi Enriques zhvilluan një lojë mjaft të mirë në 45 minutat e para, por nuk u treguan të saktë para porte. Kylian Mbappe ishte një rrezik konstant për katalanasit, por këta të fundit ishin kujdesur në maksimum për të mos i lejuar hapësira yllit francez.

Një dalje e gabuar e portierit Gigio Donnarumma i kushtoi shumë PSG-së, me Raphinhas që nuk fali, duke zhbllokuar llogaritë në Paris. Kampionët e Francës përmbysën llogaritë ndaj Barcelonës me golat e Dembele dhe Vitinhga në minutat e para të pjesës së dytë, ndërsa pak më pas, Raphinha vendosi ekuilibrat.

Djemtë e Xavit “tundën rrjetën” në të 77-tën, me anë të danezit Christensen.  Me rezultatin e sotëm gjithçka mbetet e hapur, në takimin e kthimit do të vendoset skuadra e kualifikuar.

Atletico Madrid fitoi 2-1 ndaj Dortmund në “Wanda Metropolitano”. Los Colchoneros treguan forcën që në pjesën e parë. De Paul ndëshkoi portierin Kobel në minutën e katërt, ndërsa Lino dyfishoi shifrat për vendasit nga Spanja.

Në fraksionin e dytë, ekipi i Terzic shtoi presionin dhe u fut në lojë me golin e Haller. Në minutat e fundit, mysafirët iu afruan shumë barazimit, por vetëm kaq, pasi Atletico ia doli të mbrojë me fanatizëm rezultatin deri në fund. Takimet e kthimit luhen javën e ardhshme. /ZOOM.AL/