Aplikacion
Kur u pyet se cili do të jetë skenari i protestës, Berisha nuk zbuloi shumë gjëra, por deklaroi se do të ketë elementë të mosbindjes civile.
Sipas tij, protesta e të hënës do të përbëjë momentin e kthesës së madhe, për të garantuar zgjedhje të lira dhe për të përmbysur regjimin.
“Do të jetë dita e kthesës së madhe, do të jetë radha jonë, radha e qytetarëve. Beteja jonë nuk ndalet deri në krijimin e qeverisë teknike.
Pra, qëllimet tona janë qëllimet më demokratike, në kuptimin që kërkojmë të hapim rrugën për një proces të lirë dhe të ndershëm që Edi Rama e ka kaluar në një farsë të vërtetë. Kërkojmë që Shqipëria të mos jetë më një narkoshtet, por një shtet ligjor. Kërkojmë ato që i mungojnë sot qeverisë shqiptare.
Ajo që qytetarët do bëjnë ditën e hënë, do të tregojnë guximin, do shprehin revoltën e tyre me të gjitha mjetet e mosbindjes civile”, tha Sali Berisha në konferencën me gazetarët.