Raportet lokale thanë se pacientja ishte një grua e re shtatzënë e cila ishte në spital, por kishte simptoma të lehta. Ministria e Shëndetësisë e Izraelit po studion këtë rast në mënyrë që të jetë në gjendje të konfirmojë se kombinimi i këtyre dy viruseve nuk shkakton infeksion më serioz.

“Ajo u diagnostikua me grip dhe koronavirus. Të dy testet dolën pozitive, edhe pasi u kontrolluam përsëri,” tha Arnon Vizhnitser, drejtor i departamentit gjinekologjik të spitalit Beilinson në qytetin Petah Tikva. “Sëmundja është e njëjta; janë të dyja virale dhe shkaktojnë vështirësi në frymëmarrje pasi të dy viruset sulmojnë traktin e sipërm respirator,” tha ai për gazetën Hamodia.

Për momentin, dimë shumë pak për Fluronën. Ministria e Shëndetësisë e Izraelit po studion rastin për të parë nëse kombinimi i dy viruseve shkakton sëmundje më të rënda.

Izraeli, si pjesa tjetër e botës, po sheh gjithashtu një rritje alarmante të rasteve të Omicron, varianti i ri i Covid-19.