zoom

Politikë

Çështja “Ahmetaj”/ Berisha zbardh prapaskenat: Rama i shkoi me avion për t’i imponuar firmosjen

Ish-kryeministri Sali Berisha përshëndeti kërkesën e SPAK drejtuar Kuvendit për të arrestuar ish-ministrin Arben Ahmetaj, por shtoi se nën akuzë duhet të vendoset edhe kryeministri Edi Rama, që sipas tij, është përgjegjësi kryesor.

Në një dalje për mediat, Berisha akuzoi Ramën se i është imponuar Ahmetajt për të firmosur për aferën e inceneratorëve dhe për këtë arsye, shtoi ai, SPAK duhet të hetojë më thellë.

“Afera e djegësave është afera ndër më të mëdhat korruptive, rikujtoj këtu se vetëm dje apo pardje, Erion Veliaj i ka dorëzuar kompanisë së tij që menaxhohet nga Bruno Preseci, 800 mijë euro. Pra, kompania e krimit vazhdon të thithë si lubi, paratë e taksapaguesve për llogari të Edi Ramës dhe Erion Veliajt. Lidhur me rastin konkret, duke mbështetur pa asnjë hezitim çdo zbatim të ligjit, shtoj këtu se në mënyrën më të padiskutueshme kreu i meduzës së kësaj afere është Edi Rama. Është Edi Rrama që deklaroi se firmosja fap, fap, fap kur nuk duhej të firmoste kurrë. Nëse më pyet mua, ministri i Financave ka përgjegjësitë e padiskutueshme, qoftë me veprimin, qoftë me mosveprimin. Uroj t’u thotë shqiptarëve që se si ia imponoi Edi Rama, ku ishte kur Rama i shkoi me avion për t’i imponuar firmosjen. Por nga ana tjetër, ligji kurrë mëshirë për frikacakun nuk ka,” tha Berisha.