Duke qenë se ka fansa të shumtë që duan që ai ta fitojë edicionin e dytë të BBVA, për të së fundmi ata kanë shkuar shumë larg.

Ne emër të këngëtarit është hapur edhe një fondacion online.

Në platformën GoFundMe ekziston tashmë një fondacion i hapur nga e ëma e tij, Angjelina dhe motra e tij, Ina.
“Përshëndetje të gjithë fansave të zjarrtë të Luizit! Pas shumë kërkesave për të treguar mbështetjen tuaj duke i dërguar dhurata në mënyrë transparente Luizit, kemi hapur një llogari GoFundMe. Ky GoFundMe menaxhohet nga nëna e Luizit (Angjelina) dhe motra e tij (Ina). Ju falënderojmë nga zemra për mbështetjen”, thuhet në përshkrimin zyrtar të fondacionit.

Në vetëm pak orë pasi është bërë publike, llogaria ka arritur që të mbledhë mbi shtatë mijë dollarë. Ndërkohë, vetëm një fans i tij ka dhuruar mbi 5000 dollarë, ndërsa synohet që të mblidhen 250 mijë dollarë. Teksa mbështetësit e tij i janë bashkuar kësaj nisme, të shumtë kanë qenë dhe nga ata që e kanë kritikuar këtë veprim, duke e cilësuar abuzim.

Ndryshe nga fondacionet e tjera që krijohen në emër të kauzave të ndryshme, kryesisht sociale, kjo e fundit është kryekëput për të pasuruar Luizin dhe familjarët e tij, pasi siç shihet edhe në përshkrim inisiatorët nuk marrin përsipër asgjë që ka të bëjë me kontributin në shoqëri, por vetëm për të mbledhur dhuratat.