Sipas informacioneve, në Dardhë, trashësia e dëborës ka shkuar deri më 40 cm, në Qafën e Qarrit 35 cm, në Voskopojë 30 cm, në Gjonomadh dhe Lubonjë 50 cm, në Devollin e sipër 10 cm dhe në majën e Mashkullorës rreth 1 metër.

Ka vijuar punë për pastrimin e rrugëve dhe kriposjen e tyre.

Mësohet se për mirëmbajtjen e rrugëve që të mos bllokohem, 4 borëpastruese ndodhen në Qafë e Qarrit,3 në Dardhë dhe 2 në Voskopojë.

Në të gjitha akset dhe segmentet rekomandohen goma dimërorë dhe në disa pjesë të këtyre segmenteve këshillohen drejtuesit e mjeteve të kenë me vete dhe zinxhirët.

Reshjet e borës të shoqëruara dhe me erë kanë sjellë probleme me energjinë në 3 bashki të qarkut; Ersekë, Devoll dhe Maliq. OSHEE njoftoi se grupet e punës ndodhen në terren për rikthimin e energjisë

Fshatrat pa energji:

-Potgozhan, 200 familje pa energji

-Gjyres Bradvice, 24 familje pa energji

-Prenisht dhe Vithkuq, 124 familje pa energji

-Rehovë, 57 familje pa energji

-Gjionç Prodan, 61 familje pa energji