“Së pari një përshëndetje të përzemërt të gjithë delegatëve dhe delegateve të ftuar në këtë sallë, mbi 40 e ca mijë anëtarëve që morën pjesë në këtë proces, përshëndetjet më të përzemërta, zgjedhësve shqiptarë, kjo është një ditë e një rëndësie të madhe pas ditëlindjes së dytë të PD në konstituimin e forumeve të saj si opozitë e vërtetë shqiptare”, tha Berisha.

Ish-Kryeministri shoqërohej nga bashkëshortja e tij Liri Berisha.

Komisioni i Rithemelimit mbledh sot Kuvendin Kombëtar të Partisë Demokratike në Pallatin e Kongreseve, ku pritet të marrin pjesë 1800 delegatë të cilët do të zgjedhin Këshillin e ri Kombëtar. Në këtë Kuvend pritet të bëhen ndryshime të tjera në statut si dhe shpallja e datës për zgjedhjen e kryetarit të ri të Partisë Demokratike. /Zoom.al