Shkak duket se është bërë edhe fakti se brenda demokratëve ka nisur një rivalitet se kush do kryejë opozitën, grupimi Berisha apo PD-ja e Bashës.

Kreu i Partisë Demokratike, Lulzim Basha ka replikuar në Kuvend me ministrin e Drejtësisë, Ulsi Manja. Ky i fundit i tha Bashës nëse është në rregull me drejtësinë.

Ndërkohë, kryedemokrati, teksa e cilësoi si të pandëshkuar krimin zgjedhor në Dibër, i kujton Manjës, Saimir Tahirin, duke i thënë se një ditë do të vijë edhe dita e tij.

Replikat:

Ulsi Manja: Sa për dosjen 184 zoti Basha e kam me ty rri në rregull ri sa jam unë me drejtësinë. Po je ti gatshëm, je në rregull. Unë nuk i shmangem drejtësisë as me procedurë dhe as me raporte mjeku.

Lulzim Basha: Tani e kuptojmë pse është e rëndësishme që mos t’i lëmë horrat dhe banditët që i kanë sjellë bedelët e tyre në parlament që të festojnë një ditë kur Misioni Ndërkombëtar i Monitorimit të largohet dhe gjyqtarët dhe prokurorët jo 50%, 60% siç i emëron sot Ulsiu me Ymerin, t’i emërojnë 100% këta. E kuptojmë edhe ankthin e tyre. Dibra është një krim i pagjykuar. Ky që i premtonte hjdutit të votës të Dibrës në 2016-ën promovimin, është promovuar vetë, është bërë ministër Drejtësie.

Ua kam thënë edhe ambasadorëve që e kanë për detyrë të takojnë ministrin e Drejtësisë së Republikës së Shqipërisë edhe kur ajo për momentin është shëndërruar për shkak të këtyre surretërve në republikë bananesh që duart po ua japin aleatëve të krimit.

Që ai që është sot ministër Drejtësie në një vend normal minimalisht duhej të ishte dënuar si pjesëmarrës në atë që e zbardhi BILD dhe e pa e gjithë bota, por nuk e dënoi dot drejtësia shqiptare. Pork a një gjë, drejtësia mund të vonojë dhe sa më shumë vonon aq më shumë dëmton, por nuk mungon. Kujtohu pak për ish-kolegun tënd, ministrin e Brendshëm dhe kapërdisjen e tij madjë m ë majë, rrugë më rrugë, shesh më shesh madje edhe rrugëve të botës.

Edhe mendohu mirë Ulsi Manja se për momentin mund të duket vetja i përkedhelur, i mbrojtur, por harroje ti dhe këtë po ta them në emër të çdo qytetari të Dibrës, edhe të socialistëve të Dibrës që i keni marrë e trajtoni atje në mënyrën më çnjerëzore se nuk të vijë dita që do të japësh llogari edhe ti me pjesën tjetër të bandës së strukturuar kriminale të Dosjes 184.