Lajmin e ka bërë të ditur kryeministri Edi Rama, i cili thekson se tashmë, pas përfundimit të procesit teknik, do të ndiqen procedurat për ratifikimin e kësaj marrëveshje në parlamentet e të dyja vendeve.

“Më në fund, pas një përpjekje të gjatë e thuajse të pamundur, rreth 500 mijë shqiptarë pritet të përfitojnë me hyrjen e saj në fuqi”, shkruan Rama në një postim në rrjetet sociale.

Marrëveshja për njohjen reciproke të sigurimeve shoqërore u vjen në ndihmë qytetarëve shqiptarë dhe italianë në jetojnë e punojnë në vendet respektive, duke njohur pagesat e kontributeve shoqërore për efekt pensioni dhe ndihmash të tjera sociale.