Gershkovich, 32 vjeç, ishte një nga 16 të burgosurit e shkëmbyer me tetë të burgosur rusë. Ky është përshkruar si shkëmbimi më i madh që nga fundi i Luftës së Ftohtë midis Rusisë dhe Perëndimit.

Shkëmbimi u bë në një fushë ajrore në Turqi dhe përfshiu gjithashtu lirimin e ish-marinsit amerikan Paul Whelan dhe gazetares ruso-amerikane Alsu Kurmasheva.

Pasi u ulën në bazën e përbashkët Andrews, në Maryland, Gershkovich, Kurmasheva dhe Whelan dolën nga avioni ku u pritën nga të afërmit e tyre.

Të tre u përshëndetën nga presidenti amerikan Joe Biden dhe nënpresidentja Kamala Harris, të cilët ndodheshin në fushën ajrore.

Duke folur përpara kthimit të tyre, Biden përshëndeti lirimin e tyre dhe deklaroi: “Sprova e tyre brutale ka marrë fund”.

Ai vlerësoi rolin e luajtur nga aleatët e Amerikës, veçanërisht Gjermania dhe Sllovenia.

Tre amerikanët e liruar do të transportohen në Qendrën Mjekësore të Ushtrisë Brooke në Teksas për një kontroll mjekësor.