Pavarësisht precedentëve të 40 vjeçarit, i dënuar më parë për vrasjen me thike të bashkëshortes së tij, përdhunimin e kunatës dhe pengmarrjen e kunatës tjetër, dy javë më parë Dan Hutra fitoi lirinë sërish.
Historia e tij regjistron mbi 20 vite ngjarje kriminale, nga më të rëndat.
Ai dënohet në 2003 pasi përdhunoi kunatën dhe mori peng kunatën tjetër.
Fundvitin e 2007-s ai ekzekutoi gruan e tij të parë Dafina Havalja, të cilën e theri me dy goditje me thikë në zemër e mëlçi.
Në vitin 2013 emri i Dan Hutrës del sërish në kronikën e zezë, ndihmoi në arratisje Admir Tafilin, emër i njohur për policinë, por mbeti vet në burg.
Një tjetër tentativë për arratisje nga burgu i Sigurisë së lartë të Drenovës me protagonist kryesor këtë herë Dan Hutrën u shmang gati dy muaj pasi nga ky burg arritën të largoheshin 7 të burgosur.
Ajo që nuk kuptohet është se si ka dalë nga burgu, ndërkohë që ishte dënuar 16 vite për një vrasje me paramendim dhe kishte marrë pjesë në dy tentativa të bujshme për arratisje.
Më pas Gjyqtari Hoxha e pa të nevojshme që autori i një vrasje makabre të lirohej sërish vetëm me pak muaj burg për dhunimin e bashkëjetueses se tij Elena Hysa, të cilën e plagosi këtë të mërkurë në Tiranë.
Ky dënim i ulët në argumentimin e gjyqtarit Gerd Hoxha thuhet se është marrë për disa arsye.
Së pari, vepra është kryer me dashje nga i pandehuri, i shtyrë nga xhelozia dhe faktin se Huta dhe viktima prisnin një fëmijë, ndaj të cilit i pandehuri ka detyrime themelore për rritje dhe edukim.
E gjithë situata e lirimit të tij mbetet mister. Ndërsa nuk dihet nëse mbahet nën vëzhgim një personazh i tillë pas lirimit? Dhe cila është përgjegjësia e të gjitha strukturave ligjzbatuese?
Inspektorati i lartë i drejtësisë ka bërë vetëm një njoftim sipas të cilit, ka nisur verifikimin e rastit dhe identifikimin nëse ka përgjegjësi disiplinore nga ana e magjistratëve./ zoom.al/
Bëhuni pjesë e Zoom.al 👇👇
Related Posts
None found
