Raportohet se një automjet ka dalë nga rruga në afërsi të “Urës së Kardhiqit” dhe për pasojë ka humbur jetën drejtuesi i makinës.

Viktima me iniciale Q. N., banues në Gjirokastër, ndërroi jetë në vendngjarje.

Njoftimi i policisë:

Rreth orës 05:10, në aksin rrugor “Gjirokastër-Tepelenë”, në afërsi të “Urës së Kardhiqit”, shtetasi Q. N., 62 vjeç, banues në Gjirokastër, duke drejtuar automjetin, dyshohet se ka humbur kontrollin mbi drejtimin e automjetit dhe si pasojë automjeti ka dalë nga rruga.

Shtetasi Q. N., ka humbur jetën në vendngjarje.

Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit.