Mes të tjerash, SPAK ka provuar se Ajola Xoxa ka bërë blerje online për 4 vite me radhë, shpenzime të cilat nuk i ka deklaruar.

Sipas SPAK, ajo ka blerë veshje dhe bizhuteri që kapin vlerën e 86 milionë lekëve të rinj.

“Prokuroria e Posaçme kundër Korrupsionit dhe Krimit të Organizuar ka siguruar prova të mjaftueshme për të konkluduar se shtetësja A. X., vetë ose nëpërmjet personave të tjerë të afërt me të, për një periudhë kohore prej rreth 4 vitesh, ka bërë blerje online të cilat konsistojnë në veshje, bizhuteri etj, në masën 86,721,175 lekë. Këto shpenzime nuk rezultojnë të jenë deklaruar në asnjë nga Deklaratat Periodike të titullarit të Bashkisë Tiranë si edhe personave të lidhur me të”, argumenton SPAK.