Trajneri veteran italian aktualisht po kalon një periudhë të dytë në Santiago Bernabeu, ndërsa fitoi kampionatin dhe Champions League në sezonin 2021-2022.

63-vjeçari është konsideruar si një pasardhës i mundshëm i Tite te Brazili, pas eliminimit të Seleçaos në çerekfinale në Kupën e Botës 2022 – por ish-trajneri i Bayern këmbëngul se qëllimi i tij është të respektojë kontratën e tij afatgjatë në Spanjë.

Ancelotti i ka thënë Radio Anch’io Sport: “Të stërvis Brazilin? Nuk e di se çfarë do të ndodhë në të ardhmen, jetoj në këtë moment. Unë jam më i vjetër dhe ndihem mirë në Madrid, kemi ende shumë objektiva për të arritur. Ka kohë për të menduar për të ardhmen. Unë kam një kontratë që përfundon në 2024 dhe nëse Real Madridi nuk më largon, nuk do të lëviz”. /zoom.al/