“Efektet ekonomike të luftës po përhapen shumë e gjerë”, tha organizata në opinionin e saj të fundit, të botuar këtë të martë.

FMN tani pret që ekonomia botërore të rritet me 3.6% si në 2022 ashtu edhe në 2023, një ngadalësim i dukshëm nga rritja prej 6.1% në 2021. Parashikimet e reja reflektojnë ulje prej 0.8 dhe 0.2 pikë përqindjeje, respektivisht, nga parashikimi i janarit.

“Lufta do të frenojë rëndë rimëkëmbjen globale, duke ngadalësuar rritjen dhe duke rritur inflacionin edhe më tej,” tha FMN, duke theksuar se ekonomia botërore nuk ishte rikuperuar plotësisht nga pandemia e koronavirusit kur Rusia pushtoi Ukrainën në fund të shkurtit.

Në Evropë, e cila mbështetet shumë tek Rusia për të përmbushur nevojat e saj për energji, rritja tani pritet të ngadalësohet në 2.8% në 2022, një ulje prej 1.1 përqind kundrejt janarit.

Shtetet e Bashkuara janë relativisht të izoluara. Megjithatë, dobësia midis partnerëve të saj tregtarë, si dhe planet e Rezervës Federale për të tërhequr shpejt mbështetjen e ekonomisë në epokën e pandemisë dhe për të rritur normat e interesit, po rëndojnë në perspektivën, raporton CNN. FMN-ja parashikon rritje të ekonomisë së SHBA-së prej 3.7% në 2022 dhe 2.3% në 2023, 0.3 pikë përqindje më poshtë që nga parashikimi i saj i fundit

FMN parashikon që ekonomia shqiptare do të rritet ketë vit me vetëm 2%, nga 4.5% që ishte parashikimi në muajin tetor. Ky ngadalësim vjen pasi në vitin 2021, ekonomia vendase u rrit me 8.5%, pas rënies me 3.5% në vitin 2020, kur ekonomia vuajti pasojat e pandemisë. Ritmet e rritjes pritet të jenë të ulëta edhe në vitin 2023, me 2.8% dhe do të përshpejtohet lehtë në 3.4% deri në vitin 2027.

Vendi ynë vlerësohet se do të ketë rritjen më të ulët në rajon.