Duke iu drejtuar Sekretarit të Shtetit të SHBA-së ndërsa ai filloi një turne në shtete baltike, Nauseda tha se udhëheqësi rus Vladimir Putin “Nuk do të ndalet në Ukrainë” dhe se bota kishte një detyrim për të ndihmuar ukrainasit “me të gjitha mjetet në dispozicion.”

“Dua të them me të vërtetë të gjitha mjetet nëse duam të shmangim Luftën e Tretë Botërore. Zgjedhja është në duart tona”, tha ai.

Anëtari i NATO-s, Lituania ka dërguar ndihmë ushtarake në Ukrainë dhe ka mirëpritur një numër të vogël refugjatësh ukrainas që nga fillimi i pushtimit rus më 24 shkurt.

Bjellorusia, e cila kufizohet me Lituaninë dhe Letoninë, e lejoi Rusinë të nisë sulmin nga territori i saj pasi kishte trupat e saj të vendosura atje për javë të tëra nën maskën e stërvitjeve të përbashkëta ushtarake.

Blinken u takua me Nauseda përpara bisedimeve me ministrin e jashtëm dhe kryeministrin e Lituanisë, shkruan Reuters