Të premten, në ditën e dytë të pushtimit rus në Ukrainë, ministri i Jashtëm francez ka paralajmëruar se “siguria” e presidentit ukrainas, Volodymyr Zelensky, është në rrezik.

“Kjo është luftë e plotë. Putin ka vendosur… të nxjerrë Ukrainën jashtë hartës së shteteve”, ka thënë Le Drian për radion France Inter.

Ai ka shtuar se Franca është e shqetësuar për një ofensivë të mundshme ushtarake të Rusisë kundër Moldavisë dhe Gjeorgjisë, dy shtete që kanë qenë dikur pjesë e ish-Bashkimit Sovjetik.