Po ashtu thuhet se pasi Kievi të rrethohet, Inteligjenca Amerikane beson se plani do të jetë që forcat speciale ruse të hyjnë dhe të kapin një aeroport – me gjasë Sikorsky ose Boryspil – gjë më pas do të përdoret për të fluturuar deri në 10,000 parashutistë që do të sulmojnë kryeqytetin.

Detyra e parashutistëve thuhet se do të jetë hyrja në qytet dhe më pas gjetja e Zelensky-t, ministrat e tij dhe parlamentarët, e më pas detyrimi për të nënshkruar një marrëveshje paqeje, që do t’ia kthente kontrollin e Ukrainës, Rusisë ose një regjimi kukull të mbështetur nga Moska.