Në rrjetet sociale, dy të rinjtë duket se bënin një jetë luksoze me shampanjë, makina, bizhuteri floriri apo orë rolex apo dhe veshje të shtrenjta.

Ngjarja ka ndodhur në lagjen Demokracia në Shkodër, ku nga pamjet duket se si çifti i ri është futur në ambientet e argjendarisë. Në fillim janë sjellë si të interesuar për të blerë, ndaj pronarët burrë e grua kanë vendosur mbi banak kutinë e bizhuterive.

Ndërkohë në një moment, gruaja Anisa Hoxhaj, e cila ishte në shoqërinë e bashkëshortit, Arbenit nxjerr nga xhepi i majtë një objekt dhe ua hedh në sy pronarëve në tentativë për të marrë bizhuteritë dhe për t’u larguar. Përleshja mes dy palëve solli në dështim të planit keqbërës.