Mediat britanike shkruajnë se shoferi i yllit portugez priti gati shtatë orë për të mbushur Bentley -n e tij 220.000 paundsh me benzinë – por u largua pa asnjë pikë.

Super makina qëndroi në radhë në një pikë karburanti disa kilometra larg shtëpisë së lojtarit të Manchester United.

Një Range Rover, i drejtuar gjithashtu nga një anëtar i ekipit të sigurisë të Ronaldos, ishte parkuar pranë tij.

Shoferët shkuan pranë karburantit në orën 2.20 pasdite, me shpresën se një cisternë do të mbërrinte në stacionin e mbushjes me furnizime.

Por, pasi pritën gjashtë orë e 40 minuta, ata kuptuan se askush nuk po vinte dhe u larguan në orën 21:00.

Një burim tha:

“Edhe me të gjitha paratë e Ronaldos, ai është në të njëjtën varkë si ne të tjerët”.

Rafineritë në Britani të Madhe janë plot me naftë dhe benzinë, por problemi qëndron te transporti. Këtij shteti i nevojiten të paktën 100 mijë shoferë kamioni për të furnizuar pikat e karburantit.