Gjatë një interviste në ‘Opinion’, Rama deklaroi dy ditë më parë se për aq kohë sa Meta do të jetë në zyrën e Presidentit, qeveria e re do të betohet para tij.

Rikujtojmë se Partia Socialiste ngriti një Komision Hetimor për shkarkimin e Ilir Metës nga posti i Presidentit, menjëherë pas fitores në zgjedhjet parlamentare të 25 prillit.

Së bashku me opozitën e re, Rama i bëri votat e mjaftueshme për të shkarkuar Metën nga detyra, i cili sipas tij ka kryes shkelje të rëndë të Kushtetutës para zgjedhjeve.

Kjo është hera e parë në historinë e Shqipërisë që një President shkarkohet në Parlament. Gjithsesi fjala e fundit i takon Gjykatës Kushtetuese, e cila do të vendosë nëse ky vendim i Parlamentit është i drejtë apo jo.

Kryeministri Edi Rama dhe Presidenti Meta i kanë pasur të shpeshta përplasjet në distancë me njëri-tjetrin gjatë këtyre viteve. Debati mes tyre kulmoi në vitin 2019, kur Presidenti vendosi të shtyjë datën e zgjedhjeve lokale të 30 qershorit, ndërsa Rama vendosi të shkonte në zgjedhje i vetëm pa opozitën, e cila kishte braktisur parlamentin dhe kishte bojkotuar zgjedhjet lokale.