Ish-konkurrentja e “Për’puthen”, Sindi Loci pas përfundimit të programit deklaroi se kishte gjetur dashurinë duke preferuar që të mos zbulojë identitetin e djalit që i ka vjedhur zemrën.

Mirëpo, prej disa ditësh po përflitet lart e poshtë se ajo është ndarë nga i dashuri. Shkak për këtë janë bërë postimet që Sindi ka bërë në InstaStory ku shprehej se ndihej e zhgënjyer.

Kjo mjaftoi që ndjekësit të bënin lidhjen e këtyre postimeve me jetën e saj personale duke hedhur aludime se ajo mund t’i ketë dhënë fund lidhjes.
Por, në fakt kjo nuk qenka e vërteta e kësaj historie, pasi ato deklarata nuk lidhen me partnerin e saj, por me shoqërinë. Një gjë të tillë e ka zbuluar vetë ajo përmes një bisede me ndjekësit në “InstaStory”.
“Unë dhe partneri im jemi duke shijuar çdo moment që kemi mundësi me njëri-tjetrin. Storyt që kam shpërndarë këto ditë nuk kanë aspak lidhje me lidhjen time dashurore. Storyt që i kam bërë tag mamasë sime lidhet me shoqërinë!”, ka shkruar ajo.

Më herët, gjatë një bisede me ndjekësit në InstaStory, Sindi ka treguar detaje të tjera për partnerin.
“Si të bëri për vete? Si të flet, si të trajton?”, e ka pyetur një ndër ndjekësit.
“Për vete më beri me shikimin si fillim. Kur bisedojmë duket sikur humb në sytë e mi dhe sikur koha ndalon. Pastaj nuk e di, më jep gjithmonë atë ndjesinë e paqes kur jam me të. Do më duhej gjithë nata ta shpjegoja”, i është përgjigjur Sindi.