Monitorimi do të bëhet nga policia e shtetit dhe policia bashkiake, që do të patrullojnë rrugët.

“Patrullat policore do të monitorojnë në mënyrë rigoroze të gjithë ambientet dhe hapësirat publike ku nga e enjtja do të jetë detyrim mbajtja e maskës”, deklaroi Ardi Veliu, Drejtori i Përgjithshëm i Policisë.

“Në çdo rast të konstatimit të shtetasve që u shmangen detyrimeve ligjore, Policia e Shtetit do të reagojë në përputhje me ligjin dhe detyrat e saj funksionale”, shtoi ai në një konferencë për shtyp.

EFEKTET

Por a do t’u binden qytetarët shtrëngimeve të reja? Për ta bërë të detyrueshme maskën, qeveria ka deklaruar se gjoba do të vijë në faturën e energjisë elektrike. Pagesa në këtë rast është thuajse e pashmangshme. Cilitdo që nuk e paguan gjobën, do t’i ndërpritet energjia.

Megjithatë, falja që qeveria u bëri një javë më parë gjobave të të gjitha llojeve që kishte vënë për shkelje të rregullave gjatë pandemisë, inkurajon shkeljen e tyre edhe në vijim. /Zoom.al