Ndërkohë, zjarri në fshatrat e Gjirokastrës nuk duket të ketë qenë me një intensitet të madh, megjithatë aty u shënua edhe viktima e parë nga flakët në Shqipëri.

Me kalimin e ditëve, pikërisht në datat 6-7 gusht në hartë shfaqet një njollë  e madhe e kuqe në zonën e Korçës, ku aty flakët po ashtu dogjën hapësira të mëdha.

Situata më e rrezikshme fillon në datat 8-9 gusht në veri të vendit, fillimisht në malin ku ndodhet tuneli i Kalimashit si edhe në zonat përreth Kukësit.

Sipas hartës së NASA-s vatrat vijojnë të jenë aktive edhe tani, ndërsa autoritetet vendase konfirmojnë vënien e tyre nën kontroll.