zoom

Aktualitet

Alarmi në Astir/ U arrestua për trafikimin e 1.3 ton drogë, kush është i dashuri i 21-vjeçares

Detaje të reja janë zbuluar nga ngjarja e ditës së djeshme në Astir, ku policia u alarmua pas marrjes së një telefonate se një vajzë ishte dhunuar nga disa persona brenda një apartamenti në katin e 8-të.

Policia e Tiranës shpallur në kërkim 4 djem lidhur me ngjarjen pasi në një prej apartamenteve të marra me qira u gjetën armë zjarri, kokainë dhe një jelekun antiplumb.

Djemtë bashkë me 3 vajza, mes tyre edhe 21-vjeçarja, kanë festuar mbrëmjen e të mërkurës dhe orët e para të mëngjesit të së enjtes në dy banesat e marra me qira ditore.

Vajza është shprehur se ka shkuar me dëshirën e saj në banesë, por sipas saj kur ka parë që kanë armë është frikësuar. Ndryshe nga sa ka pretenduar gjatë telefonatës në polici ajo ka deklaruar se nuk e kanë dhunuar. Ndërkohë edhe nga akt ekspertiza e kryer rezulton se nuk ka shenja dhune.

Kush është i dashuri i Sajmja Qordjas

I dashuri i vajzës është identifikuar si Joni Sadikaj. 26 vjeçari nga Tepelena është emër i njohur për policinë.

Në vitin 2017, ai është arrestuar së bashku me dy djem të tjerë për trafikimin e 1.3 tonëve kanabis sativa, e cila u kap në bregdetin e Kavajës.

Ndërsa në korrik të vitit 2022, i riu nga Tepelena ra në prangat e policisë pasi iu gjet me vete një armë pa leje, një krehër si dhe municion luftarak.

Ai ndodhej së bashku në një makinë me dy persona të tjerë.

Postime të lidhura