Stresi, emri i vërtetë i të cilit është Arkimend Lushaj u paraqitur në policinë e Pejës bashkë me avokatin e tij.

“Rreth orës 9:00, personi i kërkuar Arkimed Lushaj është vetëdorëzuar në polici së bashku me avokatin e tij. I njëjti ishte shpallur në kërkim nga policia para disa javësh”,  tha zëdhënësi i policisë për rajonin e Pejës, Driton Rugova, për Klankosova.

Personazhi i TikTok, Medi Iseni ka akuzuar Noizy-n dhe Stresin se kanë tentuar ta vrisnin.

Ai ka pretenduar në një video Live në rrjetin social se sulmi ndaj tij në klubin e natës në Pejë ishte i planifikuar dhe se Noizi kishte paguar lekët, ndërsa Stresi thuri planin.

Gjithashtu ka hedhur poshtë deklaratat e reperit Noizy, i cili pretendoi se nuk e kishte dhunuar Medi Isenin.

Madje thekson se reperi e ka goditur me grushte në kokë, nofull dhe sy.

“Arkimedi është mashtrues, është djalë i pabesë, kur ndodhi tërmeti në Shqipëri ai i ka marr një vajze 25 mijë euro kur u hap ‘Go Foundi. O Sali Lusha un kam menduar qe je burrë me seder, po edhe ti je me seder ne mënyre tjetër. Kam bërë gabimet e mija, të paskam sharë ama jo të më rrihni kështu të më kapni ne pabesi duke më rënë me armë te ftohta. Faleminderit Zotit qe më ka dhëne fuqi se të kishte qenë dikush tjetër… Noizy ka paguar lekë, Sresi ka bërë planin, kështu qe tani ja lëmë drejtësisë. Noziy më ka ra rënë në fund me 6-7 grushta, mbas kokës, në nofull edhe në sy më ka rënë Noizy. Kurse këto tjera janë prej armeve te ftohta dhe boksit të hekurit”, tha ai.

Ndërsa shtoi: “Mos i besoni kurrë Noizyt as Stresit, as familjes Lushaj, se jane te pabesë. Kjo ka qenë tentim vrasje e planifikuar”.