“Nuk kemi kapacitet për t’i mbajtur në port pasi ato kërkojnë 1000 metra katrorë hapësirë”- i tha BIRN-it, zëdhënësja e Autoriteti Portual, Elitjana Doko.

Por sipas hetimeve të kryera paraprakisht, mbetjet para se të niseshin për në Tajlandë kishin qëndruar disa ditë në portin e Durrësit, duke ngritur kështu shqetësimin për një ndikim negativ në zonën e banuar.

Ndërkohë, siç shpreh vetë zëdhënësja e Autoriteti Portual Durrës, ekziston shqetësimi për ndotje të produkteve të tjera që importohen dhe eksportohen në Durrës, përfshirë produktet ushqimore. Deklarata e përfaqësuesve të Portit është kontradiktore me qëndrimet e tyre, pasi mbetjet ishin të rrezikshme edhe kur u nisën, jo vetëm në kthim.

Plumbi, materiali që është gjendur brenda mbetjeve, sipas Organizatës Botërore të Mjedisit, shkakton probleme të rënda shëndetësore, kryesisht në sistemin nervor dhe atë kardio-vaskular, në mënyrë të veçantë tek fëmijët e gratë shtatzëna.