Sipas saj, prokurorët Arben Kraja, Sotir Kllapi dhe Altin Dumani kanë përdorur një ligj të shfuqizuar në 2020 kur kanë firmosur për masën e sigurisë ndaj saj.

Kryemadhi ngre dyshime për aftësinë e tyre profesionale për të bërë drejtësi pa marrë urdhëra.

“Drejtësia e re me ligjet e vjetra. Të nderuar qytetarë, aq me nxitim dhe aq me urdhër e ka pasur kjo drejtësi e re goditjen time politike, saqë kanë përdorur një ligj të shfuqizuar jo pak, por 4 vite më parë.

Të jenë analfabetë funksionalë apo ushtarë funksionalë?!

Shikoni, gjykoni dhe vlerësoni vetë faktet më poshtë, por mos harroni që secilin nga anëtarët e kësaj drejtësie e paguajmë 5-6 mijë euro në muaj ne të gjithë së bashku. Kjo është drejtësia që ne duam?”, shkruan Kryemadhi në rrjetet sociale.