Çifti, që për herë të parë dolën publikisht në qershor 2022, shkëmbyen betimet të shtunën e kaluar të rrethuar nga miq të ngushtë dhe familjarë, sipas People.

Rebel Wilson bëri publike lidhje në një postim në Instagram, ku shkroi: “Mendova se po kërkoja një Princ Disney … por ndoshta ajo që më duhej vërtet gjatë gjithë kësaj kohe ishte një Princeshë Disney”, duke i prezantuar botës marrëdhënien e saj me Agrumën.

Romanca e tyre tërhoqi shpejt vëmendjen e publikut dhe më pak se një vit më vonë, çifti u fejua me një propozim magjik në Disneyland.

Në ditën e Shën Valentinit 2023, Wilson i propozoi Agrumës përpara kështjellës ikonike të Bukuroshes së Fjetur.

Përveç udhëtimit të tyre romantik, Wilson dhe Agruma zgjeruan familjen e tyre në nëntor 2022, kur mirëpritën vajzën e tyre, Royce Lillian , nëpërmjet një nëne surrogate.

Aktorja është shprehur hapur për dashurinë e saj për mëmësinë, duke e përshkruar vajzën e saj si një “mrekulli të bukur” dhe duke lënë të kuptohet se mund të ketë më shumë fëmijë në të ardhmen.