Ai theksoi se Meta ka shumë informacion pasi ka konsumuar të gjitha pushtetet në vend, ndërsa deklaroi se përballja mes këtij të fundit dhe SPAK do jetë me e fortë se me Sali Berishën.

Në emisionin “Të Paekspozuarit”, gazetari u shpreh se “ka një trysni të madhe” teksa shtoi se “ai vijon e hedh ato videot e veta dhe e marrim me humor por është momenti i fundit në një përballje mes SPAK-ut dhe Metës”.

Sokol Bregu: Mendoj se brenda nëntorit SPAK do ta nxjerrë për shumë arsye. Mund ta lërë edhe të lirë, nuk e shpall të akuzuar.

Por duhet të mbyllet, sepse nuk mund të shkojë deri shtatorin tjetër. Nuk mundet që pas nëntorit kur të dalë edhe data e zgjedhjeve, të kërkojë arrestimet të opozitë.

Deri në nëntor, mendoj se do të ketë një veprim nga SPAK. Ose do ta mbyllë dosjen dhe nuk do të jetë Meta pjesë e akuzës, nuk mund ta çojë deri shtatorin tjetër.

Shtatorin tjetër do të jetë shumë vonë për një histori që në thirrjet e fundit të familjarëve të Metës, kanë qenë të shpeshta dhe mendoj se do të konkludojë Prokuroria e Posaçme me zotin Meta. Ose do të jetë i lirë, ose do të vijojë procesin e tij.

Ka edhe trysni të madhe. Vërtet mendohet kështu në ato videot gazmore të zotit Meta, por është një trysni mes SPAK dhe ish-presidentit.

Nuk është e thjeshtë ta çosh të pandehur edhe zotin Meta. Ai ka shumë informacion, ka konsumuar të gjithë pushtetet në këtë vend.

Ai vijon dhe hedh ato videot e veta dhe e marrim me humor por është momenti i fundit në një përballje mes SPAK-ut dhe Metës. E mendoj më të fortë se në rastin e Berishës