Në Gjermani pothuajse çdo javë raportohen sulme ndaj politikanëve, në Sllovaki iu bë atentat dhe u plagos kryeministri Robert Fico, në Meksikë janë vrarë 27 politikanë dhe kryebashkiakë që nga shtatori i vitit të kaluar dhe më tej incidente pa fund.

Kryeministrja e Danimarkës Mette Frederiksen, është sulmuar ditën e sotme në rrugë në Kopenhagen. Mediat raportojnë se kryeministrja u largua pas një sulmi nga një burrë në qendër të Kopenhagenit dhe nuk kishte shenja të jashtme dëmtimi.

“Kryeministrja Mette Frederiksen u sulmua të premten në mbrëmje në Kultorvet, në Kopenhagë nga një burrë që u arrestua më pas. Kryeministrja është e tronditur nga incidenti”, tha zyra e saj në një deklaratë pa dhënë detaje të mëtejshme.

Policia dhe shërbimi i inteligjencës dhe sigurisë kombëtare të Danimarkës konfirmuan incidentin, por nuk pranuan të japin më shumë detaje.

“Mette është natyrshëm i tronditur nga sulmi. Më duhet të them se ai na trondit të gjithë ne që jemi afër saj”, ka shkruar ministri danez i Mjedisit Magnus Heunicke në platformën X. /ZOOM.AL/