Zgjidhet presidentja e parë grua e Meksikës! Fiton bindshëm zgjedhjet

03/06/2024 / 08:32

Claudia Sheinbaum është presidentja e parë grua e Meksikës, e cila ka fituar bindshëm zgjedhjet e së dielës.

Rezultatet paraprake treguan se ish-kryebashkiakja 61-vjeçare e qytetit të Meksikos fitoi rreth 58% -60% të votave.

Kjo i jep asaj një epërsi prej më shumë se 30 pikë përqindjeje ndaj rivales së saj kryesore, biznesmenes Xóchitl Gálvez.

Sheinbaum do të zëvendësojë mentorin e saj, presidentin në largim Andrés Manuel López Obrador, më 1 tetor.

61-vjeçarja ka premtuar vazhdimësi, duke thënë se do të vazhdojë të qeverisë mbi “përparimet” e López Obrador.

Sheinbaum, një ish-shkencëtare, në fjalimin e saj të fitores u tha votuesve: “Unë nuk do t’ju zhgënjej”.

Mbështetësit e saj po festojnë në Zócalo, sheshin kryesor të qytetit të Meksikos, duke valëvitur pankarta ku lexojnë “Claudia Sheinbaum, presidente”.

Postimi i fundit