Në një deklaratë nga Shtabi i Përgjithshëm i Koresë së Jugut thuhet se Koreja e Veriut ka lëshuar 10 raketa balistike me rreze të shkurtër në drejtim të Detit të Japonisë (Detit Lindor), se është rritur kontrolli dhe se SHBA-ja dhe Japonia janë informuar për zhvillimet.

Ministria japoneze e Mbrojtjes tha se Roja Bregdetare e Japonisë ka publikuar një rekomandim të sigurisë detare që thekson se Koreja e Veriut ka lëshuar një raketë balistike të mundshme, se anijet janë informuar lidhur me rënien e raketës dhe se nuk ka ardhur informacion për dëme.

Koreja e Jugut dhe Japonia më 27 maj njoftuan se Koreja Veriut lëshoi “raketën satelitore” në drejtim të Detit të Verdhë. Më 28 maj Seuli njoftoi se Koreja e Veriut dërgoi përtej kufirit më shumë se 150 balona që përmbanin brenda tyre “plehra”.

Me ngjarjet e fundit ka shqetësime se tensionet mes dy vendeve do të përshkallëzohen. /ZOOM.AL/