Balla u shpreh se rastet e krijimit të vakancave të krijuara në çfarëdolloj forme, parashikohen në ligjin për organizimin e qeverisjes vendore.

Në lidhje me faktin se a do të jetë Vangjel Tavo ai që do të drejtojë këtë bashki, balla tha se qeveria do të zbatojë ligjin.

“Ligji për organizimin e qeverisjes vendore parashikon rastet e vakancës të krijuar në të gjitha format. Dorëheqja sapo ka ndodhur. Brenda 48 orësh prefekti njofton organet e qeverisjes ligjore. Qeveria do zbatojë ligjin pikë për pikë”, tha ai, pa shpjeguar më tej procedurat.

Në këto raste është nënkryetari i bashkisë që i delegohen përkohësisht detyrat organizative deri në një vendim ligjor të dytë, pasi Qeveria dhe KQZ shpallin ditën e zgjedhjeve të reja. /ZOOM.AL/