Aplikacion
Mësohet se ky post i është besuar Alma Canit. E njohur për karrierën e saj të gjatë në shëndetësi, Cani aktualisht është shefe e Shërbimit në Reanimacionin e spitalit “Shefqet Ndroqi”.
Deri më tani nuk dihet ende arsyeja e largimit të Ficos nga posti që e mbante prej 3 vitesh. Fico mori detyrën në dhjetor të vitit 2021, ku zëvendësoi Enkelejd Jotin.
Në lidhje me ngjarjen ka reaguar kryetarja e Komisionit të Shëndetësisë Zheni Gjergji. Ajo u shpreh se nuk mbulohet skandali i Urgjencës me masa gjysmake, referuar faktit që pas rënies së zjarrit në Urgjencën e re të Qendrës Spitalore Nënë Tereza, kjo urgjencë ka qenë jashtë shërbimit.
Sipas saj Qeveria është përgjegjëse për paratë e çuara dëm, e sidomos për koston që kjo ka sjellë tek shëndeti i qytetarëve mosfuksionimi. Gjergji tha se Opozita do ta kërkojë deri në fund të vërtetën për Urgjencën dhe çdo abuzim që është bërë në këtë sektor të cilin e quajti jetik.
“Nuk mbulohet skandali i Urgjencës me masa gjysmake. Prej ditës së parë kur Urgjenca e QSUT u përshi nga flakët ku u bë shkrumb një investim prej 17 milionë eurosh i taksapaguesve shqiptarë, kemi ngritur zërin e kemi kërkuar hetim, transparencë e përgjegjësi para ligjit.
Pas disa javësh heshtje dhe errësirë, qeveria vendosi të largojë Drejtuesen e QSUT. Këto janë masa gjysmake për shfaqje. Qeveria duhet të tregojë çfarë ndodhi, pse ndodhi, si nuk u menaxhua si duhet ajo situatë? Qeveria është përgjegjëse për paratë e çuara dëm, e sidomos për koston që kjo ka sjellë tek shëndeti i qytetarëve duke qenë se Urgjenca nuk funksionon prej muajsh tanimë.
Ky rast flagrant papërgjegjshmerie tregon raportin e vërtetë që rilindja ka me shëndetësinë, ku aferat e skandalet synon t’i zbehë me shoë e propagandë. Opozita do ta kërkojë deri në fund të vërtetën për Urgjencën e çdo abuzim që është bërë në këtë sektor jetik”, tha Gjergji. /ZOOM.AL/
Spektakël në Pragë/ Shqipëria mund Ukrainën, nis me tre pikë aventurën në Ligën e Kombeve