Gjykata e Shkallës së Parë ka dënuar me 22 vite burg Orjana Gremin, vajzën e cila në janar të vitit të kaluar hodhi në lumin Kir foshnjën e saj të porsalindur.

Në seancën gjyqësore të mbajtur një ditë më parë në Gjykatën e Shkodrës, Gremi, 32 vjeçe, kërkoi një masë më të butë, ndërkohë ndaj saj rëndon akuza “vrasjes së të miturit”, pasi fëmija nuk arriti të mbijetonte.

Oriana Gremi, banuese në fshatin Myselim e lindi foshnjën më 30 dhjetor të vitit 2022. Ajo jetonte te dajat në Postribë të Shkodrës.

Një lidhje e shkuar keq solli rezultatin tragjik, teksa e reja dëshmoi se nuk e mbante dot fëmijën në ato kushte dhe e tronditur kreu atë akt fatal. /ZOOM.AL/