Mbledhja do të drejtohet nga kryeministri Edi Rama dhe se në të do të kalohet në filtër puna e çdo ministrie për vitin 2024 dhe do të adresohen sfidat për 2024, vit ky i rëndësishëm pasi paraprin një vit elektoral siç është 2025.

Burimet konfirmuan se ditën e nesërme qeveria do të tërhiqet për një mbledhje informale në Lezhe, ku do të analizohet puna e çdo ministrie lidhur me angazhimet e vitit të kaluar.

Do të kalohet në filtër puna e ministrave dhe do ndahen detyrat.

Në mbledhje do të marrë pjesë edhe sekretari i Përgjithshëm i PS Blendi Klosi dhe kreu i Grupit Parlamentar të PS, Bledi Çuçi, por nuk ka informacione zyrtare nëse do të merret vendim për ndryshime të reja në Qeveri.

Takimi i fundit informal në Tepelenë nuk shkoi edhe aq mirë verën e kaluar, teksa u pasuan me ndryshime të kabinetit, me 4 ministra të rinj. /ZOOM.AL/