Ngjarja ndodhi dy ditë më parë (2 nëntor), ndërsa punëtori nuk arriti që t’i mbijetojë dëmtimeve të marra nga rrëzimi nga skela. Incidenti ndodhi në një kantier ndërtimi, rreth orës 15:56 dhe 40-vjeçari me iniciale A. N. ka rënë nga lartësia teksa punonte në një ndërtesë.

Grupi hetimor vijon veprimet në vendin e ngjarjes, me qëllim dokumentimin e plotë ligjor të rrethanave të kësaj ngjarjeje. Nën hetim janë drejtuesit teknik të punimeve dhe administratorët e godinës.