Trajneri i “The Reds”, Jurgen Klopp, deklaroi se mesfushori italian është një futbollist interesant.

“Është një lojtar që më pëlqen shumë, është i kompletuar. Kishim mundësinë ta kishim përballë në ndeshjet e Champions League një vit më parë, por fatmirësisht për ne ai nuk ishte pjesë”, tha Klopp.

Deklarata e trajnerit gjerman padyshim shton interesin e klubit ndaj Barella, por në rast se ata do të duan të sigurojnë shërbimet e tij, duhet të derdhin 60 mln në arkat e Interit.

Edhe në verën e vitit 2018, Liverpool shfaqi interes për futbollistin e talentuar, por nuk u arrit marrëveshja me Cagliari-n.

Kuptohet se Reds po planifikojnë një ‘revolucion të vërtetë’ në Anfield me Barella-n, dikë që Klopp e ka pëlqyer gjithmonë dhe Liverpool janë të përgatitur të paguajnë deri në 60 milionë euro për italianin. /zoom.al/