Ilya Ponomarev, i vetmi anëtar i parlamentit rus që votoi kundër aneksimit të Krimesë në vitin 2014, beson se zbehja e mbështetjes dhe frikës mbi një gjyq të mundshëm për krime lufte mund të nënkuptojë që presidenti do të vritet këtë vit nga rrethi i tij i ngushtë.

Ponomarev ishte anëtar i Dumës së Shtetit nga viti 2007 deri në vitin 2016, por tani jeton në Ukrainë, ku ai drejton një lëvizje të re që ai shpreson se do ta transformojë Rusinë në një demokraci moderne.

Ai tha për Newsweek : Fuqia e Putinit qëndron në pozicionin e tij si një mashkull alfa, si një person që është i pathyeshëm. 2022 ishte viti kur ky pozicion filloi të zbehej. Parashikimi im mbetet ende se ai nuk do ta shohë ditëlindjen e tij të ardhshme.

“Ëndrra ime personale është padyshim ta shoh atë në Hagë, por nuk mendoj se do t’ia dalë. Ata rreth tij nuk do ta lejojnë të shkojë në Hagë, sepse dëshmia e tij mund të jetë shumë e dëmshme për ta. Ai do të vritet.’