Pas largimit të tij të ashpër nga Manchester United, CR7 tani duhet të luftojë me të luajtur rolin e një zëvendësuesi edhe me ekipin e tij kombëtar.

Kjo nuk ka shkuar mirë me pesë herë fituesin e Topit të Artë, i cili, sipas gazetës portugeze Record, kërcënoi të largohej nga kampi stërvitor.

Artikulli u titullua “Ronaldo kërcënoi të largohej” dhe thekson se si golashënuesi rekord i Portugalisë ishte i mërzitur me vendimin për ta lënë atë jashtë formacionit, pavarësisht se skuadra dukej shumë më mirë për mungesën e tij.

“Në bisedën me trajnerin, kur mori vesh se nuk do të ishte në 11-shen startuese… mendoi për më të keqen”, thuhet në një fjali nga shkrimi i Record.

Megjithatë, botimi vazhdon gjithashtu të sqarojë se Ronaldo u qetësua pas tronditjes fillestare dhe kuptoi pasojat e vazhdimit të këtij kërcënimi në një moment kaq vendimtar.

Federata Portugeze e Futbollit e ka mohuar tërësisht historinë, duke thënë se Ronaldo nuk ka kërcënuar asnjëherë se do të largohet nga seanca stërvitore apo turneu.

Pas ditës së pushimit të së mërkurës, skuadra portugeze zgjodhi të ndante ekipin e tyre në dy grupe, me titullarët që stërviteshin në palestër dhe zëvendësuesit që kryenin stërvitje të ndryshme në terren.

Ronaldo, megjithatë, mungoi në seancat, pavarësisht se portugezi i siguroi të gjithë se nuk kishte probleme me dëmtim.

Një tjetër që u mërzit jashtëzakonisht shumë me vendimin për të mos filluar Ronaldon nga minuta e parë ishte partnerja e tij Georgina Rodriguez.

“Sa turp që nuk kam mundur të shijoj lojtarin më të mirë në botë për 90 minuta”, ka shkruar Rodriguez në një postim në rrjetet sociale. /zoom.al/