Së fundmi është publikuar edhe një fotografi teksa Brilant Martinaj, Besmir Hoxha dhe Diklen Vata sëbashku pinë të buzëqeshur.

Kujtojmë se ata u ekzekutuan me breshëri plumbash në mbikalimin e Fushë-Krujës, duke bërë që edhe automjeti i tyre të shkrumbohej nga flakët.

Policia ndërtoi skenën e ngjarjes dhe doli në konkluzionin se pjesëmarrës në atentat kanë qenë 4 persona, ku 3 prej tyre kanë qëlluar drejt objektivit.

Breshëria e automatikut prej të paktën 60 plumbash që u zbraz mbi të rinjtë nuk u la mundësi shpëtimi, ndërsa pas të shtënave automjeti i të rinjve u përfshi nga flakët. Policia dyshon se në atentat morën pjesë 4 persona.

Një viktimave, Diklen Vata, 30 vjeç mundi të dalë nga automjeti me shenja jetë dhe i plagosur pasi ishte pasagjer, por autorët e kanë qëlluar sërish për ta ekzekutuar. Ndërsa Brilant Martinaj dhe Besmir Hoxha mbetën të vrarë në automjet dhe më pas e dogjën.

Pak momente pas atentatit u gjet i shkrumbuar një automjet në fshatin Larushk disa kilometra nga Fushë Kruja ku në brendësi u gjetën edhe 3 kallashnikovë. Automjeti tip Passat i autorëve u shkrumbua plotësisht duke mos u lënë mundësi hetuesve për të gjetur prova të shumta.