Mjeti mori flakë si pasojë e lëndës shpërthyese të vendosur në pjesën e përparme të tij dhe të komanduar së largu përmes një telekomande.

View this post on Instagram

A post shared by zoom.al (@zoom.al_news)

Zoom.al mëson se në vendngjarje, saktësisht jashtë makinës është gjetur një armë zjarri pistoletë, me një krehër pistolete te dëmtuar.

Nga hetimet paraprake dyshohet se i ndjeri e ka patur pistoletën në brez dhe në momentin që pas shpërthimit ka dalë jashtë makinës, ajo i ka rënë.

Por nga kush ruhej Sadikaj, që e detyronte të qarkullonte me armë pas vetes?

Aktualisht, policia është përqendruar në dy pista kryesore; në atë të prishjes së pazareve të drogës dhe në të shkuarën e tij kriminale.

Historiku i akuzave të Sadikajt:

٠Më 09.04.2011 është arrestuar në Berat, pasi, së bashku me një person tjetër kanë tentuar të vjedhin në subjektin AlbTelecom-Berat;

٠Më 30.04.2011 është shpallur në kërkim nga Komisariati i Policisë Vlorë, pasi Gjykata e Vlorës i ka caktuar masën e sigurisë “Arrest në burg”, për veprën penale “Vjedhja”, kryer në bashkëpunim;

٠Më 31.05.2017 është shpallur në kërkim nga Komisariati i Policisë Nr.2 Tiranë, pasi Gjykata e Tiranës i ka caktuar masën e sigurisë “Arrest në burg”, për veprën penale “Kundërshtimi i punonjësit të rendit publik”. Më 23.08.2018, Gjykata e Tiranës e ka dënuar me 8 muaj burgim, për këtë vepër;

٠Më 29.05.2017 është shpallur në kërkim nga Komisariati i Policisë Nr.2 Tiranë për veprat penale “Goditje për shkak të detyrës”, “Mosbindja ndaj urdhrit të punonjësit të policisë së rendit publik” dhe “Kundërshtimi i punonjësit të rendit publik”;

٠Më 09.07.2019 është shpallur në kërkim nga Komisariati i Policisë Sarandë, pasi në bashkëpunim me një shtetas tjetër, gjatë një konflikti për motive të dobëta, kanë plagosur me thikë shtetasin A. D., duke i shkaktuar dëmtime serioze në trup. Më datë 30.07.2019, për këtë ngjarje, Gjykata e Sarandës i ka caktuar masën e sigurisë “Arrest në burg”, për veprën penale “Vrasja me dashje”, mbetur në tentativë.

Prej moshës 20-vjeçare, ai u mor me biznese të paligjshme dhe jetonte midis Shqipërisë dhe Greqisë.

Sadikaj lindi në Berat dhe u rrit me prindër të divorcuar. Ai njihej si “Aleksi i Memaliajt”, aty ku kishte dhe një fermë turistike./Zoom.al