Day Archive“Kthimi i ushtrisë së vdekur”, së shpejti premiera e filmit të restauruar

Projekti i radhës i restaurimit sa i përket filmave të kinematografisë shqiptare të para viteve `90, është “Kthimi i ushtrisë së vdekur”. Filmi, me një kast emrash nga më të shquarit e artit shqiptar, mban firmën e të madhit Anagnosti dhe është prodhim i vitit 1989.

Arkivi Qendror Shtetëror i Filmit në bashkëpunimin me laboratorin Augustus Color vjen me këtë projekt në kuadër të 80-vjetorit të çlirimit të vendit, si një homazh për njeriun; për ata që luftuan, ata që vuajtën pasojat e luftës dhe për ata që ranë duke mbrojtur kauzat e atdheut.

Premiera e variantit të restauruar të filmit do të mbahet më 25 nëntor 2024, në Kinema Millennium, Tiranë.

Filmi, me skenar e regji të Dhimitër Anagnostit, bazohet mbi romanin “Gjenerali i ushtrisë së vdekur” i Ismail Kadaresë. Kompozitori i filmit është Gjon Simoni, operator Bardhyl Martiniani, piktor Kleo Nini e kostumografi nga Durim Neziri.

Në rolet kryesore interpretojnë aktorët e mirënjohur Bujar Lako, Guljelm Radoja, Roza Anagnosti, Ndriçim Xhepa, Kastriot Ahmetaj, Vasillaq Godo, Raimonda Bulku, Liza Vorfi, Birçe Hasko, Andon Qesari etj.

Mashtrimet e Ramës me pensionistët në 12 vjet

Në fushatën elektorale të qershorit 2013, teksa kërkonte votën e shqiptarëve për të ardhur në pushtet, Edi Rama angazhohej se përmes programit të rilindjes do të nxirrte të moshuarit nga varfëria.

“Angazhimi ynë pensione dinjitoze për të nxjerrë të moshuarit nga varfëria.”, premtonte Rama në 2013.

Një vit më vonë, pasi kish fituar mandatin e parë qeverisës, qeveria prezantoi reformën e re në pensione. Sipas kryeministrit Rama thelbi i reformës ishte pensioni dinjitoz.

“Nuk mund të vazhdojë më, edhe 20 vjet, edhe 30 vjet të tjera, duke i konsideruar njerëzit që dalin në pension si qenie që thjesht duhet të mbijetojnë me një grusht lekësh…”, angazhohej Rama në 2014.

‘Déjà vu’

Në prag të një viti zgjedhor Rama riktheu kartën e vjetër elektorale të rritjes së pensioneve. Qeveria ka nisur një fushatë informimi me pensionistët nga veriu në jug duke u premtuar të moshuarve rritje pensionesh.

“Qëllimi është që të arrijmë të kushtëzojmë qeverinë me ligj që në përqindjen e rritjes ekonomike, kur ekonomia ka një rritje ekstra, pensionistët të jenë përfituesit e parë, dhe të ndahet kjo.”, premtoi kryeministri Rama në ëelje të diskutimeve publike mbi rritjen e pensioneve fillimisht pa dhënë afate konkrete.

Teksa kreu i qeverisë vijonte turin e takimeve me pensionistët në të gjithë vendin, në parlament u dorëzua buxheti i shtetit për vitin e ardhshëm.

Në dokumentin më të rëndësishëm të financave të shtetit, qeveria nuk ka parashikuar para për rritjen e pensioneve. Edhe në 2025 mbi 791 mijë pensionistët në të gjithë vendin do të përfitojnë vetëm indeksim dhe shpërblim fundviti.

Referuar shifrave të projektbuxhetit, qeveria ka parashikuar 1.6 miliardë lekë si fond për indeksimin e pensioneve nga 4,1 miliardë që ishin të parashikuara këtë vit. Pra, dy herë e gjysmë më pak se indeksimi i këtij viti që ishte në masën 4.1 %.

Ndërkohë fondi për shpërblimin e ëdo fundviti ndaj pensionistëve është thuajse i njëjtë me atë të këtij viti. Në 2025 qeveria ka planifikuar 3,7 miliardë lekë në formën e bonusit, nga 3,6 të planifikuara këtë vit.

Në këtë pikë, Rama u detyrua të jepte dhe afate kohore për rritjen e pensioneve. Premtimin që se përmbushi gjatë një dekade qeverisje, i njëjti kryeministër angazhohet ta realizojë katër vitet e ardhshme.

“Jemi kujtuar që ditën e parë për këtë punë por nuk kemi mundësitë ta adresojmë seriozisht një rritje domethënëse të mbështetje për pensionistët sepse nuk na i ka lejuar ekonomia.”, sqaroi në një tjetër takim me të moshuarit kreu i qeverisë.

Ky fakt krijoi pakënaqësi dhe për herë të parë në dhjetë vite qindra pensionistë u mblodhën në protestë përpara kryeministrisë.

“Kanë nga 30 vjet që na mashtrojnë. Këto që kanë bërë këta s’quhen rritje pensionesh. Jetesa me këto pensione është tepër e vështirë.”, tha për faktoje.al Qazim Mesipi.

Çfarë ka ndodhur në dhjetë vite?

Në Shqipëri jetojnë 791,257 pensionistë. Referuar të dhënave nga Instituti i Sigurimeve Shoqërore në dhjetë vite pensioni mesatar në qytet është rritur me 4,158 lekë dhe në fshat 3,586 lekë.

Të dhënat e përpunuara nga Faktoje tregojnë se gjatë dekadës së fundit pensionet janë indeksuarmesatarisht me 4%. Indeksimi është detyrim ligjor që ka synim kompensimin e pasojave të ndryshimit të çmimeve të mallrave dhe të shërbimeve të zgjedhura për nivelin minimal të jetesës së pensionistëve.
Paralelisht me indeksimin, në dhjetë vitet e fundit qeveria ka shpërndarë çdo fundvit edhe bonus nga 3 deri në 5 mijë lekë për pensionistët.

Ekspertët e ekonomisë bien dakord që pensionet duhet të rriten, por zgjimin e vëmendjes ndaj pensionistëve pas një dekade qeverisje e lidhin me zgjedhjet.

“Është vetëm fjala fushatë ajo që vlen, sepse në qoftë se do ishte për pensionistët duhet mbjellë nga pak e për vit. Reformat më të mëdha bëhen në fillim të mandateve qeverisëse në mënyrë që të jepet kohë për t’i zhvilluar, mësuar nga to dhe për të korrigjuar atë që duhet për qeverisjen e ardhshme.”, argumenton Eduard Gjokutaj.

Nga ana tjetër, Irena Beqiraj shton se rritja e pensioneve kërkon adresimin e disa sfidave.

“Pensionet nuk mund te rriten pa adresuar me mjetet e duhura ndryshimet strukturore demografike, pa diversifikuar një orë e më parë strukturën sektoriale ekonomike të vendit,
pa ndryshuar strukturën e taksave të cilat i kemi përdorur herë si morfinë e herë si karamele për të ulur dhimbjet e një ekonomie që nuk prodhon rezultate për të gjithë…”, vlerëson Irena Beqiraj./Faktoje.al

Pacientë, kujdes nga Botoksi i rremë!

Sa më shumë të rritet popullariteti i trajtimeve anti-plakje, aq më shumë rriten mashtrime me produkte false.

Trajtimet e Botox janë të sigurta dhe efektive kur kryhen nga një profesionist, por ka dhe mashtrues. Më herët gjatë vitit, në Neë York dhe 8 shtete të tjera konsumatorët patën simptoma serioe pas injektimit me ato që rezultuan se ishin versione false të Botox. Disa u shtruan në spital. Kjo është shqetësuese pasi miliona njerëz bëjnë injektimi Botox-i çdo vit.

“Njerëz të pamoralshëm po përpiqen të përfitojnë nga popullariteti i Botox-it duke u bërë thirrje konsumatorëve që janë në kërkim të një pazari,” thotë dermatologia e certifikuar nga Bordi i Mjekësisë UR Mara Velez ëeinstein. “Njerëzit e palicencuar mund të mësojnë se si të bëjnë injeksionet nga videot e TikTok ose YouTube. Dhe nëse përdorin Botox të falsifikuar me çmim më të ulët, ata mund të rrisin fitimet e tyre.”

Në prill, Qendrat për Kontrollin dhe Parandalimin e Sëmundjeve (CDC) lëshuan një mesazh të Rrjetit Shëndetësor, duke paralajmëruar për rreziqet e Botox-it të keqinjektuar ose të falsifikuar. CDC, Administrata e Ushqimit dhe Barnave dhe agjencitë shtetërore dhe lokale po hetojnë 17 raste midis nëntorit 2023 dhe prillit 2024. Viktimat raportuan sëmundje të ngjashme me botulizmin me shikim të paqartë ose të dyfishtë, vështirësi në gëlltitje ose hapje të syve, mosmbajtje, gulçim dhe dobësi.

Botox i vërtetë përdoret për të trajtuar spazmat e muskujve dhe migrenën. Por më shpesh, njerëzit marrin injeksione Botox për të reduktuar rrudhat në fytyrë. Botox është përdorur për procedura kozmetike për më shumë se dy dekada dhe është shumë i sigurt në duart e një profesionisti mjekësor të trajnuar.

Si të dalloni Botoxin “fake”?

“Nëse çmimi tingëllon shumë i mirë për të qenë i vërtetë, kjo është një shenjë paralajmëruese,” thotë Dr. Velez Weinstein.

Botox shitet nga njësia dhe çmimet zakonisht janë rreth 15 deri në 20 dollarë për njësi. Çdo vlerë më pak se 10 dollarë për njësi duhet të ngrejë një pyetje në mendjen tuaj.

Gjithashtu, kini kujdes nga kushdo që ofron të bëjë injeksione Botox në shtëpi. Ky nuk është një vend i përshtatshëm për një procedurë mjekësore. E njëjta gjë vlen edhe për dikë që organizon një “festë Botox” për një grup miqsh në shtëpinë e dikujt. Ata zakonisht paguajnë një tarifë që është më e ulët se çmimi standard për Botox dhe i injektojnë njerëzit atje.

Për të parandaluar marrjen e injektimeve të gabuara të Botox-it, injeksionet duhet të kryhen në një mjedis mjekësor që është higjienik, i sigurt dhe i pajisur nga ana mjekësore.

Në shtetin e Nju Jorkut, injeksionet e Botox-it mund të bëhen vetëm ligjërisht nga një mjek, infermier, infermier ose ndihmës i licencuar. Të tre këta të fundit duhet t’i bëjnë këto injeksione nën mbikëqyrjen e një mjeku. Estetikët dhe njerëzit që e quajnë veten “injektorë” pa kredenciale nuk lejohen të bëjnë injeksione Botox në Nju Jork.

Një tjetër shenjë paralajmëruese e trajtimit të keq me Botox

Doktoresha Velez ëeinstein thotë se ajo ka pasur pacientë të cilët më parë kanë shkuar te injektorët të cilët kanë vendosur një hartë ose rrjetë në fytyrën e tyre për të bërë injeksione. “Është shqetësuese për mua të dëgjoj se dikush mund t’i ketë vendosur një rrjetë mbi fytyrën e tyre për t’i injektuar; sugjeron se ata mund të kenë marrë injeksione nga dikush që nuk ishte i trajnuar mirë.”

Një profesioniste e trajnuar si Dr. Velez ëeinstein ka një njohje të plotë të anatomisë së fytyrës dhe di se si të shikojë mënyrën se si lëvizin muskujt e fytyrës dhe ku duhet të vendoset Botox. “Unë e siguroj ilaçin pikërisht në vendndodhjen e duhur në sasinë e duhur për të arritur efektin e dëshiruar.”

Për të qenë të sigurt, duhet të kontrolloni kredencialet e ofruesve përpara se të merrni injeksione. Ju mund të shkoni në faqen e internetit të prodhuesit të Botox, AbbVie, dhe të bëni një pamje ose foto të pamjes së shishes. Vjen në një shishe 50 ose 100 njësi. Më pas kërkoni t’i hidhni një sy asaj kutie përpara injektimit dhe sigurohuni që ajo përputhet me pamjen tuaj.

Për Botox ose çdo injeksion, është e drejta juaj të siguroheni që ajo që po ndodh në trupin tuaj është e ligjshme. Ju mund të hulumtoni ofruesit e kualifikuar të injeksioneve Botox duke shkuar në faqen e tyre të internetit dhe duke gjetur ofrues të autorizuar në zonën tuaj.

Marrë nga një studim i universitit mjekësor të Rochester*

Trump do të takohet me Biden në Zyrën Ovale të mërkurën

Presidenti i sapozgjedhur Donald Trump do të takohet me Presidentin Joe Biden në Shtëpinë e Bardhë të mërkurën, njoftoi Shtëpia e Bardhë të shtunën.

“Me ftesë të Presidentit Biden, Presidenti Biden dhe Presidenti i zgjedhur Trump do të takohen në Zyrën Ovale të mërkurën në orën 11:00”, tha në një deklaratë sekretarja e shtypit Karine Jean-Pierre, shkruan CNN.

Ajo shtoi se do të publikohen detaje shtesë rreth takimit.

Berisha: Kam sinjale se Rama ka nisur blerjen e votave të diasporës

Kreu i Partisë Demokratike, Sali Berisha, në një bashkëbisedim me qytetarët në rrjetet sociale, deklaroi se po i vijnë “sinjale se ka filluar blerjen e votës së diasporës”.

“Ekipi po punon për rregullat më transparente dhe më të sigurta për votën e diasporës. Dhe i siguroj emigrantët tanë, diasporën, shqiptarët jashtë vendit se PD do përcaktojë rregullat më të qarta. Sikundër theksoj se më vijnë sinjale se kanë filluar blerjen e votës që tani, dhe ftoj shqiptarët ta evidentojnë këtë akt dhe ta denoncojnë qoftë në komunitetin ku janë, qoftë në Shqipëri, sepse e them se Edi Rama nuk do lërë mjet pa përdorur për të siguruar mandatin pasi e di se veprat e rënda penale që ka kryer i kushtojnë atij pjesën tjetër të jetës”, tha Berisha.

Si ndihmoi djali i vogël i Trump në fitoren e tij përballë Kamala Harris

Djali më i vogël i Donald Trump udhëhoqi lëvizjen e ashtuquajtur ‘Bro Vote’ që siguroi fitoren e paprecedentë elektorale të babait të tij duke vepruar si këshilltari i tij jozyrtar.

Barron, 18 vjeç, kishte fjalën e parë dhe të fundit në zgjedhjen e podkasteve në të cilat do të shfaqej babai i tij dhe ishte ai që e inkurajoi të ulet me transmetuesin e lojërave video, Adin Ross dhe Joe Rogan, i cili bën podkastin më të njohur në botë.

Djali më i vogël i Trump mund të mos jetë shfaqur rregullisht në krah të babait të tij në mitingje në të gjithë vendin, por ai luajti një rol prapa skenave, duke e bindur atë të shfaqej në podkaste të favorizuara nga “gjenerata Z” dhe “millennials”, sipas informacioneve të mediave të huaja.

Në fakt, Barron fillimisht sugjeroi që babai i tij të shfaqej në podcastin e YouTuber-it dhe mundësit Logan Paul, Impaulsive.

Ngacmime s*ksuale e kërcënime, aktori Rezart Veleshnja përjashtohet nga Big Brother Vip

Aktori Rezart Veleshnja që prej një muaji ishte pjesë e BBV, së fundmi është përjashtuar nga formati ku i është bashkuar edhe një tjëtër banor Besfort Daka.

Konkurentët janë eleminuar nga gara për shkak të shkeljes së etikës.

Sipas produksionit gjatë 3 javëve për këta banorë janë shënuar episode të ngacmimeve seksuale, gjuhë urretje, fyerje dhe kërcënime të cilat “Vëllai i madh” nuk i toleroi më.

Menjëherë pasi u komunikua vendimi, banorët lanë shtëpinë e BBV.

Besforti u përjashtua nga Big Brother VIP Kosova, pas fjalëve kërcënuese kundrejt Rezit, ndersa Rezarti pas veprimit ndaj Xhenetës, duke e goditur në prapanicë banoren.

“Biznes global me vlerë 70 mld euro”/ Mediat e huaja jehonë anijes me mbetje toksike në Durrës

Media italiane Ansa.it i ka kushtuar një artikull anijes me mbetje toksike që nisi të shkarkohet sot në Durrës.

Në artikull thuhet se anija (Moliva) që transportonte qindra ton mbetje industriale ndoshta toksike, mbeti në harresë në ujërat pranë portit shqiptar të Durrësit, disa muaj pasi anija u nis për të asgjësuar materialin në Tajlandë.

Anija e kontejnerëve Moliva me flamur turk, që besohet se mbante rreth njëqind kontejnerë të mbushur me mbetje të dyshimta, mbërriti në ujërat pranë Durrësit javën e kaluar.

“Autoritetet portuale të Durrësit dhe institucionet e tjera po bashkëpunojnë për të siguruar ruajtjen e kontejnerëve në një vend të sigurt ekologjikisht dhe fizikisht”, tha për AFP Elitjona Doko, një zëdhënëse e Portit të Durrësit.

Në mungesë të hapësirës së përshtatshme për të ruajtur ngarkesën potencialisht toksike në bord, autoritetet portuale kanë përjashtuar lejimin e ankorimit të varkës.

“Anija Moliva është e detyruar të qëndrojë e ankoruar në portin e portit, nën vëzhgimin e policisë, deri në përfundimin e procedimeve ligjore”, thuhet në njoftimin e Prokurorisë së Durrësit.

Ngarkesa u largua nga Shqipëria në fillim të korrikut dhe sipas dokumenteve të autoriteteve doganore shqiptare në atë kohë, ajo mbante mbetje industriale, konkretisht “oksid hekuri”, eksporti i të cilave është i autorizuar.

Megjithatë, informacioni i transmetuar nga një sinjalizues te Basel Action Network (BAN), një organizatë joqeveritare që lufton eksportin e mbetjeve toksike në vendet në zhvillim, sugjeron që kontejnerët përmbajnë pluhur furre me hark elektrik (EAFD).

I klasifikuar si mbetje toksike, ky pluhur duhet të ruhet dhe transportohet në kushte shumë strikte. E refuzuar përfundimisht nga Tajlanda, dërgesa u kthye në Shqipëri pas disa muajsh në det, me ndalesa në Spanjë, Portugali, Itali dhe Turqi.

Sipas shkresave në dosje, mbetjet vijnë nga metalurgjiku i Elbasanit në Shqipërinë e mesme. Dërgesa e mbetjeve industriale nga vendet perëndimore për t’u përpunuar diku tjetër në vendet në zhvillim është një biznes global që vlerësohet të jetë me vlerë midis 44 miliardë dhe 70 miliardë euro (48 miliardë deri në 77 miliardë dollarë) në vit, sipas OJQ-ve mjedisore. (ANSA-AFP).

Ekstradimi “Dakut”,truri që organizoi atentatin ndaj të fortit të Vlorës e lidhja me motrat Nikolli

Leonard Luzi, që akuzohet se organizoi një vit më parë vrasjen e Ervis Matodashajt dhe Inez Hajrullasë në qytetin e Vlorës, u ekstradua sot nga Spanja.

Emri i Luzit u përmend një ditë para arrestimit të tij më 18 korrik nga Alda Nikolli.

Me pretendimin se Nuredin Dumanit vijon aktivitetin kriminal brenda qelisë, Nikolli tha se i penduari i drejtësisë vendos gjoba nga qelia.

Sipas saj, Dumani “do t’i vendoste gjobë edhe Leonard Luzit”.

“Jo më larg se para ca ditësh i vuri gjobë Amarildo Nikollit 400 mijë euro, e ka detyruar të pranojë gjëra që si ka bërë me presion. Do t’i vinte gjobë dhe Dakut, Leonard Luzit. Ai kështu jeton duke u vënë gjoba njerëzve sepse nuk ka lekë”, shprehet ajo.

Luzi do t’i bashkohet Amarildo Xhanej Nikollit në ambientet e paraburgimit “313” në Tiranë.

Si u planifikua vrasja?

Vrasja Ervis Matodashaj dhe Inez Hajrulla dështoi sepse në gusht të 2023, në orën 12:47, në lagjen “Uji Ftohtë”, Policia ndaloi Amarildo Nikollin.

Ky i fundit, kishte tërhequr vëmendjen e uniformave blu të qytetit, pasi në një ditë të nxehtë gushti, qarkullonte nëpër Vlorë i veshur me një xhup për të fshehur tatuazhet që kishte në trup.

Por metoda që zgjodhi për të mos u identifikuar nga kamerat e sigurisë në zonë, e evidentoi tek efektivët e Policisë që ndërhynë në kohë për të ndalur atentatin. Shënjestrat ishin dy: Ervis Matodashaj dhe Inez Hajrulla!

Sipas SPAK, eleminimi i dy personazheve të njohur në Vlorë, do të bëhej për hakmarrje, dhe për dominimin e tregut të lojërave të fatit.

Nga hetimet e Prokurorisë së Posaçme, rezulton se në datën 22.03.2013, në qytetin e Vlorës, është vrarë me armë zjarri Erigert Zejno.

Nga “zbërdhimi” që SPAK i bëri çështjes, doli në përfundimin se Leonard Luzi (Zejno) është kushëri nga ana e babait me shtetasin Erigert Ferik Zejnon.

Duke shtuar si bonus edhe hakmarrjen për vrasjen e kushëririt, “Daku” rezulton se është paguar nga një person, që deri më tani nuk është identifikuar me emër, për të eliminuar fizikisht Ervis Matodashaj dhe Inez Hajrulla.

Kështu, “Daku” mblodhi grupin e tij. Për të kryer detyrën që kishte marrë përsipër kontaktoi me Amarildo Nikollin, Muharem Koroveshin (alias Muharem Ismaili alias Muharem Myftaraj) dhe Erio Zejnon.

Këta dy të fundit kishin rolin e ndihmësit. Si njohës të zonës i kanë siguruar armët Nikollit dhe e kanë ndihmuar në terren për të identifikuar ata që do të ishin shënjestrat e tij.

Pasi i riu nga Shkodra të kryente atentatin, sërish këta të dy do ta ndihmonin që të largohej nga vendi i ngjarjes.

Tani që është në pranga, pritet që të mësohet e rrëfyer në vetë të parë se përse Leonard Luzi kërkonte me kaq ngulm të vriste sidomos Inez Hajrulla?

Kjo pasi për këtë vrasje do jepeshin gjithsej 500.000 euro.

Në rrëfimin e Nikollit flitet për një person që jeton në Dubai dhe që kërkonte me vendosmëri eliminimin e ‘Sakatit’.

Por cili është ky personazh, dhe cila ishte pengesa që i kishte krijuar Hajrulla dhe pse ai kishte gjetur Leonard Luzin, për ta quajtur të mbyllur këtë punë?

Deri më tani, në bisedat mes Luzit dhe Nikollit, të dy nxjerrin edhe emrin i një personazhi të rëndësishëm të krimit në qytetin e Shkodrës. Flasin për një “Dorian”, që për hetuesit, dyshohet se është Dorian Duli.

Plani për të vrarë Inez Hajrullën dhe Ervis Matodashajn, SPAK mbyll hetimet, si u kap në minutat e fundit Amarildo Nikolli

“Midis këtyre personave duket se ka pasur një dërgim foto nga ‘Djalli’ tek ‘Daku 123’ ku ky i fundit i thotë ‘Ky ishte ai që thoshte në Shkodër’. Dhe më pas është mesazhi ‘Dorian’. Dyshohet se ky emër është ai i personit Dorian Duli. Por nuk kuptohet përse nuk është përmendur ky emër. ‘Daku 123’ dhe ‘Djalli’, flasin për një punë tjetër. Dyshohet në Shëngjin ku edhe po shkoi keq jepen 15, por duhet të marrin lekët fillimisht. ‘Do flasim bashkë për ta kry’, duket se i thotë ‘Djalli’, ‘Dakut 123’. Më datë 7 Gusht 2023, ‘Daku 123’, interesohet se çfarë bëhet andej dhe a ka ndonjë lëvizje. ‘Djalli’ i shkruan se nuk ka lëvizje dhe ngre dyshimet se mos kanë lëvizur. Po ai ‘Sakati’ aty është?, – pyet ‘Daku 123’. ‘Djalli’ i shkruan: ‘Se shoh kun, as e kam pa kun, se po e pamë i q…motra’”, thuhet në dosje.

Por të jetë Duli personi që jeton në Dubai dhe kërkon eliminimin e Hajrullës?

Të gjitha këto do t’i zbardhë vetë Luzi, i cili gjithashtu mund të bëhet bashkëpunëtor i drejtësisë, ashtu si Amarildo Nikolli.

Pas tymit të korrupsionit, aferës së inceneratorëve i dalin flakët. Plehrat po digjen si në ’90

Vendgrumbullimi i mbetjeve urbane në Elbasan mori sërish flakë. Tymi pushtoi gjithë zonën, duke krijuar ndotje të lartë, çka alarmoi qytetarët. Zjarrfkësit u angazhuan për disa orë për ta vënë situatën nën kontroll, ndërsa në zonë shkuan zyrtarët më të lartë vendor dhe deputetë të opozitës.

Policia tha se “zjarri u shkaktua nga një shkëndijë në landfill, e krijuar si pasojë e shpërbërjes së mbetjeve”, ndonëse prokuroria, organi që kryen hetimet, nuk ka përfunduar ndonjë proces hetimor për të dalë në këtë konkluzion.

Por deputeti i PD, Bledi Himçi dha një tjetër variant. Ai tha se zjarri është vënë qëllimisht me urdhër të kryebashkiakut Gledian Llatja, me qëllim mbulimin e vjedhjeve që po ndodhin aty dhe për të ulur sasinë e plehrave pasi inceneratori nuk punon.

“Kjo zjarrvënie është e qëllimshme, e vendosur nga vetë Bashkia Elbasan. Padiskutim është vendosur ditë të shtune, kur institucionet janë pushim, mediat janë pushim në përgjithësi, që të kishte sensibilizim sa më të pakët. U vendos në mes të natës, ku temperaturat janë më të ulëta sesa gjatë ditës, jemi në periudhë vjeshte, ku s’ka temperatura të larta. Pra jemi para një zjarrvënie të qëllimshme. Kjo zjarrvënie është caktuar me urdhër të posaçëm të kryetarit të Bashkisë Elbasan, por edhe nga instanca të tjera. Dhe që duan të mbulojnë vjedhjen që ndodh çdo ditë në incenerator, inceneratori ka punuar vetëm 3 muaj, e gjatë gjithë kohës që ne flasim kjo fushë është kthyer në venddepozitim, pra në landfill të mirëfilltë. Mali me plehra ka marrë përmasa dhe për të ulur sasinë e mbetjeve i vihet flaka”, tha Himçi.

Incenceneratori i Elbasanit ka punuar vetëm 3 muaj, ndërsa një sërë ish -zyrtarësh të lartë, përfshi ish -ministrin Lefter Koka dhe ish -deputetin socialist Alqi Bllako janë në burg për korrupsion, ndërsa ish -zëvendëskryeministri Arben Ahmetaj është në arrati së bashku me bosët e inceratorëve, Klodian Zoto, Mirel Mërtiri e Stela Gugallja.

Ndonëse ka kushtuar 26 milionë euro, inceneratori nuk e ka zgjidhur problemin e mbeteve. Tani, plehrat grumbullohen si në vitet 90, me ndryshimin që landfilli është më i strukturuar.

Landfilli i Elbasanit është djegur edhe më parë pas ndërtimit të inceneratorit.

Edhe landfilli i inceneratorit të Fierit u përfshi disa kohë më parë nga flakët. Edhe në këtë rast, zëra të opozitës thanë se zjarrvënia ishte e qëllimshme, për të ulur sasinë e plehrave, si pasojë e mos vënies në punë të inceneratorit.

“Inceneratori i Fierit u ka kushtuar taksapaguesve shqiptarë 32 milionë euro, por nuk është vënë asnjë ditë në punë dhe nuk djeg mbetje”, -raporti BIRN në 2023. Por sipas administratorit Fraudin Arapi, nevojiteshin edhe 2.8 milionë euro për ta vënë në punë, para që qeveria ka refuzuar t’i paguajë.

Në Tiranë, landfilli ka shpëtuar nga zjarret. Aty mbetjet inkapsulohen, për shkak se incenceratoir Inceneratori i Tiranës nuk është ndërtuar ende, ndonëse kompania vijon të paguhet sikur mbetjet digjen. /Zoom.al