Day ArchiveÇ’është festa e Halloween-it?

Emri i Halloween është interpretimi modern i All Hollows’ Eve të Irlandës, apo Dita e të gjithë Shenjtorëve.

Kjo festë tepër e lashtë mbërriti në SHBA së bashku me emigrantët irlandezë dhe hodhi rrënjë për të vuajtur tani një transformim radikal. Dita e 31 tetorit kur dhe festohet Halloween shënon fundin e Vitit të Keltëve dhe besohet të jetë dita kur shpirtrat e atyre që kanë vdekur vitin e mëparshëm do të kthehen për të zënë vend në trupin e një të gjalli. Pikërisht për këtë arsye, njerëzit veshin kostume të frikshme për t’i trembur. Ekzistojnë versione të ndryshme të traditave të Halloween-it, por origjinën e vërtetë e gjejmë në festivalin antik të keltëve të njohur si Samhain.

Në Skocinë e vjetër mendohej se ishte pikërisht nata e 31 tetorit, kur nuk kishte më kufi mes botës së të gjallëve dhe të vdekurve. Legjenda thotë se shpirtrat që kishin vdekur gjatë atij viti mblidheshin së bashku për t’u përzier me botën e të gjallëve dhe më pas për të nisur rrugën drejt një bote tjetër. Në natën e fundit të të korrave të vjeshtës, bota ndryshon nga ngrohtësia e diellit të verës në ftohtësinë e errët të dimrit, toka nga pjellore në shterpë.

Keltët e lashtë besonin që ky tranzicion u jepte formave të mbinatyrshme një shans për të thyer përmes në botën e të gjallëve dhe shkatërrime e tyre djallëzore të lulëzonin. Ata vijnë për të festuar natën kryesor në dimër si Samhain (“fundi verës”), festivali konsiderohet gjerësisht të jetë shenjë paralajmëruese e Halloween. Në natën e Samhain, keltët besonin se shpirtrat e njerëzve që kishin vdekur vitin e kaluar do të ecin në mesin e të gjallëve. Kështu, fshatarët vinin ushqim dhe ëmbëlsira të qetësonin shpirtrat e tyre, një ritual që mund të ketë paraprirë trillimin apo trajtimin. (Nuk ka asnjë provë në fakt se Samhain ishte me të vërtetë një festival i të vdekurve, sipas historianit Nicholas Rogers, në librin e tij: Holloween; Nga ritual pagan në një festë mbrëmjeje). Edhe pse Halloween ka origjinë pagane, emri i saj rrjedh nga pushimet e kristianëve “All Hallows Eve”, Dita e Shenjtorëve, apo mbrëmja para Ditës së të Gjithë Shenjtorëve ‘(1 nëntor).

Pushimet në fakt u përshtatën nga nga të krishterët të cilët shpresonin zhdukjen e paganizmit dhe gjatë viteve, disa nga aspektet më të errëta të Halloëeen janë zëvendësuar nga festime me më shumë dashuri, dritë apo miqësi. Por lidhjet e Halloëeen me të frikshmen dhe të mbinatyrshmen mbahen të forta ende në festimet në të gjithë botën./ Zoom.al

Parashikimi i motit/ Sa shkojnë temperaturat të enjten

Edhe për ditën e nesërme ashtu si këto ditët e fundit vendi ynë do të ndikohet nga kushte të qëndrueshme atmosferike falë masave ajrore relativisht të thata me origjinë veriore.

Moti parashikohet i kthjellët në të gjithë territorin përjashtuar vranësirat e pakta kalimtare. Në orët e mëngjesit parashikohet mjegull e dendur apo mjegullinë dhe kryesisht përgjatë zonave luginore.

Era do të fryjë me drejtim verilindje – veriperëndim me shpejtësi mesatare 1-7 m/s ndërsa përgjatë vijës bregdetare dhe zonat luginore era hera-herës me rrahje me intensitet deri në 10-12 m/s shoqëruar me dallgëzim në dete të forcës 1-2 ballë.

Temperaturat u parashikohen:
në zonat malore 4 deri 18°C
në zonat e ulëta 4 deri 25°C
në zonat bregdetare 12 deri 25°C

Faleminderit që na ndiqni dhe mos hezitoni të na kontaktoni për informacione të përditësuara!

E trishtë/ Ndahet nga jeta babai i Jonida Vokshit

Moderatorja e njohur shqiptare, Jonida Vokshi, ka ndarë sot një lajm të dhimbshëm me ndjekësit e saj në Instagram, duke bërë të ditur humbjen e të atit.

Ajo ka postuar një mesazh prekës ku shkruan: “Ma bëre shpirtin copë o ba [💔] . Do të të dua deri në frymën time të fundit, deri kur do të takohemi sërish!”

Ky mesazh ka prekur zemrat e shumë fansave të saj, të cilët kanë nisur të shprehin ngushëllimet për moderatoren.

Atentati në Shkodër/ Rëndohet bilanci, vdes në spital Arlind Bushati

Ka ndërruar jetë në spital Arlind Bushati, duke e rënduar bilancin e atentatit në Dobraç të Shkodrës.

32-vjeçari u plagos rëndë me një plumb në kokë disa orë më parë dhe nuk ka mundur të shpëtojë.

Bushati dhe Lici u ndoqën për disa metra nga automjeti i autorëve i cili u gjet i djegur pak minuta pas ngjarjes.

Në spital ende në rrezik për jetën ndodhet 67-vjeçari Bashkim Basha i cili u përplas së bashku me bashkëshorten e tij nga makina e viktimave.

E fundit/ Shoqërohet në polici Safet Bajri për atentatin e Shkodrës

Pas atentatit në Shkodër, ku Hamza Lici dhe një kalimtare ndërruan jetë e dy të tjerë u plagosën, mësohet se katër persona janë shoqëruar në polici.

Burime bëjnë të ditur se mes katër personave është Safet Bajri, një personazh i njohur në botën e krimit.

Dyshimet e para për atentatin e Dobraçit lidhen me armiqësinë disa vjeçare mes dy fiseve në kryeqendrën e veriut Shkodër, Bajri dhe Lici.

Armiqësi e cila ndër vite ka shkaktuar disa viktima nga të dyja palët.

Përmbytjet më të mëdha në tre dekada/ Shkon në 95 numri i viktimave në Spanjë

Të paktën 95 njerëz kanë vdekur në Spanjën lindore, qendrore dhe jugore pasi shirat e rrëmbyeshëm shkaktuan përmbytjet më vdekjeprurëse të vendit në tre dekada.

Si pasojë, përrenj uji me baltë vërshuan nëpër qytete dhe fshatra, duke bllokuar njerëzit në shtëpitë e tyre, duke rrëzuar pemë dhe ndërprerje të rrugëve dhe linjave hekurudhore.

Ndërsa kërkimet për dhjetëra persona të zhdukur vazhduan, shoferëve iu kërkua të qëndronin larg rrugëve dhe lumenjve të fryrë mes paralajmërimeve se moti i ashpër nuk kishte përfunduar dhe se numri i vdekjeve mund të rritet ende.

Deri të mërkurën pasdite, qendra e koordinimit emergjent të qeverisë së Valencias tha se numri i fundit i vdekjeve në rajon ishte 92, ndërsa delegacioni i qeverisë qendrore në rajonin fqinj Castilla-La Mancha raportoi dy vdekje, përfshirë atë të një gruaje 88-vjeçare në qytetin e Cuenca. Një tjetër vdekje u raportua në provincën Málaga të Andaluzisë.

Më shumë se 1000 ushtarë nga njësitë e reagimit emergjent të Spanjës u vendosën në zonat e shkatërruara. Qeveria qendrore dërgoi gjithashtu nëntë ekspertë të mjekësisë ligjore në Valencia për të ndihmuar në detyrën e identifikimit të trupave.

Këto janë përmbytjet më vdekjeprurëse në tre dekada në vend.

Pamjet nga “Range Rover” i djegur në Shkodër/ Çafrë u gjet brenda automjetit që u përdor në atentat

Ky është automjeti “Range Rover” që dyshohet se u përdor nga autorët në atentatin e Shkodrës, e të cilin Policia e gjeti vetëm 10 minuta pas ngjarjes.

“Shërbimet e Policisë gjatë kontrollit të zonës për kapjen e autorëve, në fshatin Golem kanë konstatuar të djegur plotësisht një automjet tip “Range Rover” dhe 2 armë zjarri automatike.”- thuhet në njoftimin e policisë.

Gjithashtu edhe në automjetim e viktimave, policia gjeti tre armë zjarri, pistoleta.

Grupi i posaçëm hetimor në drejtimin e Prokurorisë së Shkodrës, po vijon punën për zbardhjen e rrethanave, sigurimin e provave me qëllim dokumentimin ligjor të ngjarjes, identifikimin dhe kapjen e autorëve.

Pamjet/ Si i shpëtoi Arlind Bushati një tjetër atentati dy javë më parë

Arlind Bushati, i mbijetuari i atentatit të kësaj të mërkure në Shkodër, i shpëtoi një tjetër tentative për vrasjen e tij jo më larg se dy javë më parë.

Pamjet e mëposhtme tregojnë se si shpëtoi Bushati në 11 tetor kur dy persona të armatosur iu afruan me një motomjet dhe i drejtuan armën.

View this post on Instagram

A post shared by zoom.al (@zoom.al)

I ndodhur në ambjentet e një lokali të mbushur me njerëz i riu iu shmang armës duke u fshehur pas disa personave të tjerë.

Dyshimet e para nga atentati janë përplasjet mes dy grupeve, Bajrave dhe Licëve.

Sipas policisë, është ngritur një grup i posaçëm hetimor dhe në drejtimin e Prokurorisë vijojnë hetimet për zbardhjen e rrethanave dhe sigurimin e provave, identifikimin dhe kapjen e autorëve.

Kryediplomatët e Kosovës dhe Serbisë përplasen në OKB

Kryediplomatët e Kosovës dhe të Serbisë janë përplasur në takimin e Këshillit të Sigurimit të Kombeve të Bashkuara, ku është diskutuar për raportin gjashtëmujor të sekretarit të Përgjithshëm të OKB-së, Antonio Guterres, për misionin e OKB-së në Kosovë.

Ministri i Jashtëm i Serbisë, Marko Gjuriq, tha se serbët e Kosovës po diskriminohen dhe po shtypen nga autoritetet e Kosovës. Por, këto akuza u hodhën poshtë nga kryediplomatja e Kosovës, Donika Gërvalla.

Gërvalla mbrojti veprimet e Qeverisë së Kosovës në veriun e banuar me shumicë serbe, që komuniteti ndërkombëtar i ka cilësuar si veprime të njëanshme.

Ajo tha se nuk duhet t’iu besohet pretendimeve të Gjuriqit se serbët në Kosovë nuk kanë qasje në shëndetësi, arsim dhe llogari bankare.

“Realiteti është i qartë. Përfundimisht, qytetarët po marrin frymë lirshëm dhe pa frikë nga bandat kriminale”, tha Gërvalla.

Gjuriq u ankua se serbët po përballen me diskriminim, dhunë dhe shtypje, duke përmendur disa nga vendimet e fundit të Qeverisë së Kosovës, sikurse ndalimi i përdorimit të dinarit serb për pagesa me para të gatshme, mbyllja e degëve të Postës së Serbisë dhe komunave që punonin sipas sistemit serb.

Ai tha se Serbia qëndron me serbët në Kosovë dhe kërkoi nga komuniteti ndërkombëtar që të reagojë.

“Koha për veprime vendimtare është tani. Veprimet e Prishtinës vazhdon të minojë stabilitetin, shkelin të drejtat e njeriut dhe injorojnë marrëveshjet ndërkombëtare. Na duhen pasoja të qarta. Duhen të vendosen sanksione ndaj administratës së [kryeministrit të Kosovës, Albin] Kurtit dhe duhet zero tolerancë ndaj veprimeve të tjera të njëanshme që nxisin konflikte dhe tensione”, tha ai.

Shefja e misionit të OKB-së në Kosovë, UNMIK, Caroline Zijadeh, përmendi shqetësimin e shprehur nga sektori civil serb, banorët dhe partitë politike lidhur me vendimet për mbylljen e institucioneve në veri – që vepronin sipas sistemit serb – për ndikimin që kanë në jetën e tyre.

“Mbyllja e degëve të Postës së Serbisë dhe zyrave komunale që udhëhiqen nga ana e Serbisë kanë kufizuar qasjen e tyre në shërbime me rëndësi kyç, në veçanti sa i përket komunitetit serb në Kosovë”, tha ajo.

Ministri i Jashtëm serb, Marko Gjuriq, po ashtu kërkoi që Kosova të themelojë menjëherë Asociacionin e komunave me shumicë serbe në Kosovë, që tha se do të garantonte të drejtat e serbëve.

Sipas Gjuriqit, Kosova nuk do që ta themelojë këtë asociacion, për të cilin tha se nuk është opsion, por obligim nga dialogu i Brukselit.

Por, Gërvalla tha se presidenti i Serbisë, Aleksandar Vuçiq, nuk është i interesuar që Asociacioni t’ua lehtësojë jetën serbëve të Kosovës.

“Për të Asociacioni nuk është vegël për të lehtësuar jetën e qytetarëve, është opsion për ta copëtuar një vend të territorit tonë. Sikurse [presidenti rus, Vladimir] Putin me Ukrainën, Vuçiqi nuk do asgjë më pak sesa zhdukjen e Kosovës”, tha ajo.

Gërvalla tha se Serbia nuk është e interesuar për dialog, duke e akuzuar Beogradin për bllokim të procesit. Rel/

Atentati në Shkodër/ Policia gjen një makinë të djegur, brenda kishte dy automatikë

Të tjera detaje kanë dalë në pah pas atentatit me dy të vrarë dhe dy të plagosur në Shkodër.

10 minuta pas ngjarjes së rëndë, Policia e Shkodrës ka gjetur një automjet tip “Land Rover” të djegur në zonën e Grudës së Re.

Brenda saj janë gjetur 2 automatikë, të cilët dyshohet se janë përdorur në ngjarje.

Po ashtu, policia ka sekuestruar kamerat e sigurisë në zonën ku ndodhi atentati dhe ka ngritur disa pika kontrolli për kapjen e autorëve.

Atentatorët janë ende të paidentifikuar. Ata u larguan menjëherë nga vendngjarja pasi vranë me breshëri plumbash Hamza Licin.

Të shtënat plagosën edhe Arlind Bushatin, që ishte në makinë me Licin. Pas atentatit, mjeti i Licit u përplas me një motor dhe si pasojë e aksidentit, humbi jetën Flutura Basha. Bashkëshorti i saj, Bashkim Basha ndodhet në gjendje të rëndë për jetën.