Day ArchiveEMRI/ Kush është banori i ri që do të futet nesër në shtëpinë e Big Brother VIP

Në shtëpinë e Big Brother VIP nesër do të futet një banor i ri.

Emri i tij doli nga një lojë “giveaway” e organizuar në “Instagram” dhe u konfirmua nga produksioni.

Bëhet fjalë për Shkëlqim Begën, i cili u zgjodh mes të gjithë emrave të tjerë që aplikuan në linkun që kishte publikuar produksioni në rrjetet sociale pak ditë më parë.

“Siç ju njoftuam, banori më i ri që do t’u bashkohet yjeve të “Big Brother VIP”, përzgjidhej mes shumë të regjistruarve në Giveaway “Top on Top”. Çim Bega është zgjedhur nga të gjithë ata që aplikuan në linkun e publikuar para disa ditësh. Suksese Çimit dhe suksese të gjithë juve që keni marrë pjesë në këtë Giveaway, shumë dhurata të tjera ju presin në vazhdim!

Të dielën shpallet edhe fituesi i makinës, LIVE nga faqja e Big Brother VIP”, njoftoi produksioni.

Gjykata e Nju Jorkut rrëzon dënimin për abuzim seksual për Harvey Weinstein. Vendimi nxit polemika

Gjykata e Apelit e Nju Jorkut ka rrëzuar një nga dënimet për Harvey Weinstein për krime seksuale.

Gjykatësit vendosën (4 me 3) se kolegu i tyre James Burke, i cili kryesoi çështjen e Weinstein në 2020, bëri një gabim vendimtar duke lejuar prokurorët të thërrisnin për të dëshmuar disa gra që kishin akuzuar producentin e “Pulp Fiction” dhe “Shakespeare in Love” se i ka sulmuar seksualisht.

Lauren Young, Dawn Dunning dhe Tarale Wulff kishin dëshmuar për takimet e tyre me Weinstein sipas një ligji që lejon që “veprimet e këqija të mëparshme” të diskutohen në gjykatë për të treguar qëndrueshmëri me kalimin e kohës.

Por Gjykata e Apelit vendosi se “në sistemin tonë të drejtësisë i akuzuari ka të drejtë të mbajë përgjegjësi vetëm për krimin për të cilin akuzohet”.

Gjykata arriti në përfundimin se një nga burrat më të fuqishëm në Hollywood, i akuzuar për ngacmim dhe abuzim nga më shumë se njëqind gra, nuk pati një gjykim të drejtë, pasi ishte gjykuar jo vetëm për krimet e tij të supozuara, por edhe për sjelljet e tij në të kaluarën.

Avokati i Weinstein, Arthur Aidala, tha: “Kjo nuk është vetëm një fitore për Weinstein, por për çdo të pandehur në një gjyq penal në shtetin e Nju Jorkut”. Por klienti i tij nuk do të lirohet, ai përkundrazi do të transferohet në një burg në Kaliforni, ku më 20 maj producenti do të apelojë që t’i hiqet dënimi, siç konfirmoi avokatja e tij Jennifer Bonjean, duke theksuar se vendimi i sotëm mbi apelin në Nju Jork do të forcojë pozitën e klientit të saj: “Juristët u mbytën nga provat e karakterit të tij të keq, prova që nuk ishin legjitime dhe që, sipas mendimit tonë, minuan të gjithë gjyqin në Kaliforni”

Producenti hollivudian, tani 72 vjeç, aktualisht është në burg. Ai vazhdimisht pretendoi pafajësinë e tij, duke shpjeguar se ato marrëdhënie seksuale ishin gjithmonë konsensuale.

Revokimi i dënimit të Nju Jorkut rihap një kapitull të komplikuar në çështjen e dhunës seksuale dhe mënyrën e dënimit të përgjegjësve. Akuzuesit e tij mund të duhet të dëshmojnë përsëri. Aktorja Ashley Judd, një nga shumë që foli për ngacmimet që pësoi nga Weinstein, i tha New York Times se vendimi ishte “i padrejtë për të mbijetuarit. Por ne jetojmë në të vërtetën, e dimë se çfarë ka ndodhur”.

Gjyqtarja Madeleine Singas, në një opinion kundërshtues nga opinioni kryesor i shkruar nga gjyqtarja Jenny Rivera, tha se vendimi i Gjykatës së Apelit të Nju Jorkut vjen “në vazhdën shqetësuese të jurive që përmbysnin vendimet e fajësisë në rastet e sulmeve seksuale”./ Nga Corriere.it

Media belge: Emri i kryeministrit Edi Rama në dosjen e pastrimit të parave të drogës

Mediat e huaja kanë zbardhur një tjetër skandal të kryeministrit Edi Rama, duke e lidhur emrin e tij me pastrimin e parave dhe me trafikantët e drogës.

Shkrimi është publikuar nga media belge “RTL Info”, e cila shkruan se politikanë të lartë, duke përmendur këtu emrin e Edi Ramës, kanë ndihmuar shtetasin Arben I. për të pastruar para të pista.

Roli i Arben I. është ai i ndërmjetësit mes investitorëve në Shqipëri, politikanëve dhe kushëririt të tij, Alfredo H., që është koka e një organizate kriminale, për të bërë pastrimin e parave të drogës.

Pjesë nga shkrimi i medies belge:

Cédric Vergauwen dhe Christophe Van Der Beesen u shprehën të premten përpara Gjykatës Penale të Brukselit, parimin e non bis in idem (nuk mund të gjykohet dy here per te njejten veper) për klientin e tyre, Arben I., i akuzuar se kishte ndihmuar në pastrimin e shumave të mëdha parash nga trafiku i kokainës. Dy avokatët besojnë se treguesit kryesorë të fajësisë të paraqitura nga prokurori vijnë nga një çështje italiane “që nuk çoi në asgjë”. Në këtë çështje, të quajtur Shqiponja e Zezë, akuzohen 40 persona për trafik ndërkombëtar droge.

Vergauwen kritikoi faktin se akuzat e ngritura nga prokurori ndaj Arben I. “bazohen në informacione që vijnë nga dosje të huaja”, njëra italiane, tjetra spanjolle. Lidhur me të parën, të realizuar në Itali në bashkëpunim me Gjermaninë, dhe që ndër të tjera kishte në shënjestër Arben I., “nuk çoi në asgjë”, argumentoi avokati. Për këtë arsye, ai kërkoi nga gjykata që të zbatohet parimi i non bis in idem, ose fakti që nuk mund të gjykohet dy herë për të njëjtat fakte.

Në alternativë, z. Vergauwen kërkoi që prokurori publik të urdhërohej të plotësonte dosjen e tij. “Ju nuk mund të krijoni një bindje bazuar në një përmbledhje të përkthyer dobët 174 faqesh të dosjes spanjolle,” iu drejtua ai gjykatës.

Më 18 prill, prokurorja kërkoi dënimin me 10 vjet burg për Arben I., të cilin e konsideron si ndërmjetës mes kushëririt të tij, Alfredo H., një nga dy drejtuesit e dyshuar të organizatës kriminale, dhe atyre të një organizate të ngjashme. me qendër në Majorka. Ajo pohoi gjithashtu se ai ka vepruar si ndërmjetës mes Alfredo H. dhe investitorëve në Shqipëri për pastrimin e parave të pista, me mbështetjen e politikanëve të lartë. Në dosje citohet emri i kryeministrit shqiptar Edi Rama.

Reagimi i Gazment Bardhit:

Pas këtij lajmi, ka reaguar kreu i grupit parlamentar të Partisë Demokratike, Gazment Bardhi. Në platformën “X”, Bardhi shprehet se kjo është një provë e qartë e lidhjes së Edi Ramës me krimin e organizuar.

“Një tjetër media serioze belge deklaron se në procesin kundër trafikantëve të drogës në Bruksel, del emri i Kryeministrit të Shqipërisë Edi Rama! Përmes investimeve strategjike, synohej pastrimi i parave të pista të trafikut të drogës.

Kjo është arsyeja pse në Shqipëri hetimet për përgjimet e SKY ECC janë bllokuar! Shqipëria nuk mund të turpërohet nga lidhjet e Edi Ramës me krimin e organizuar”, tha Gazment Bardhi.

SPAK “shkund” Kadastrën, pret urdhër-arreste për zyrtarët

SPAK ka prerë disa urdhër-arreste për disa zyrtarë në Kadastër.

Sipas burimeve, deri më tani janë të arrestuar dy zyrtarë, të akuzuar për mashtrim dhe ushtrim të ndikimit të paligjshëm.

Aksioni udhëhiqet nga prokurori i posaçëm, Ened Nakuçi dhe është ende në zhvillim e sipër, ndërsa pritet që SPAK të dalë me një njoftim zyrtar për të dhënë detaje për emrat e të arrestuarve dhe akuzat që rëndojnë ndaj tyre.

A është bashkëshortja e Ledri Vulës? Sara Hoxha jep përgjigjen e papritur

Një nga historitë e dashurisë që ka marrë më shumë vëmendje është ajo mes Ledri Vulës dhe Sara Hoxhës.

Lajmi për ndarjen e tyre nuk mori asnjëherë konfirmim përfundimtar as nga Ledri, as nga Sara.

Vetë Sara Hoxha dha një koment shumë të shkurtër për marrëdhënien e saj me Ledrin këtë të premte.

Ajo u pyet nga Alketa Vejsiu në emisioni “Në kurthin e Piter Pan” nëse mund të prezantohet si bashkëshortja e Ledri Vulës.

Por, Sara tha se ajo nuk ka qenë kurrë bashkëshortja e tij.

Biseda mes Alketës dhe Sarës:

Alketa Vejsiu: Bashkëshortja e Ledri Vulës apo ish-bashkëshortja? Se e bëra prezantimin dhe nuk e kam të qartë…

Sara Hoxha: S’kam qenë kurrë bashkëshortja e Ledri Vulës!

Alketa Vejsiu: Ke qenë shoqja e tij apo jo, partnerja…

Sara Hoxha: Po, partnerja.

Alketa Vejsiu: Bukur, përgjigjie inteligjente.

A është Edi Rama Erdogani i ri?

Nga Michael Rubin

Pothuajse një çerek shekulli më parë, Rexhep Tajip Erdogan vizitoi Uashingtonin. Ish-zyrtari i mbrojtjes i epokës së Reganit, Richard Perle, e prezantoi atë në Shtëpinë e Bardhë, duke pohuar sinqeritetin e tij si një demokrat dhe reformator. Kur Erdogan fitoi zgjedhjet më pas, zyrtarët e Shtëpisë së Bardhë dhe të Departamentit të Shtetit e mbështetën atë. Presidenti Xhorxh W. Bush, për shembull, i tha Erdoganit: “Unë e vlerësoj shumë shembullin që ka dhënë vendi juaj se si të jesh një vend mysliman dhe në të njëjtën kohë një vend që përqafon demokracinë, sundimin e ligjit dhe lirinë.” Ndërkohë, Sekretari i Shtetit, Colin Powell, e përshkroi Turqinë si “një demokraci myslimane që jeton në paqe me miqtë dhe fqinjët e saj”.

Një mendim i tillë dëshiror vazhdoi për vite me radhë, ndërsa zyrtarët amerikanë përshkruan Erdoganin si njeriun të cilin ata dëshironin të ishte dhe jo si Erdoganin që ekzistonte në të vërtetë. Ndërsa një brez diplomatësh amerikanë vlerësuan reformat e supozuara demokratike të Erdoganit, ai e ktheu Turqinë në një nga shtetet policore më të egra të Evropës.

Neglizhenca diplomatike pati pasoja. Turqia ka rënien e pestë më të madhe në renditjen e Freedom House gjatë dekadës së fundit, madje më e madhe se Hong Kongu pasi Kina komuniste copëtoi garancitë e këtij territori. Shkalla e vrasjeve të grave është rritur mbi 1400 për qind. Liritë e shtypit janë inekzistente. Larg mbrojtjes së interesave perëndimore, Erdogan i afrohet Rusisë dhe Iranit dhe përqafon liderët terroristë.

Pyetja tani është nëse Uashingtoni dhe partnerët e tij evropianë kanë nxjerrë ndonjë mësim.

Konsideroni Shqipërinë.

Më 11 shtator 2013, Edi Rama mori detyrën si kryeministri i 12-të i Shqipërisë pas Luftës së Ftohtë. Kur Presidenti Barack Obama dhe Zëvendës Presidenti Joe Biden takuan më pas Ramën, ata vlerësuan udhëheqjen e tij, përpjekjet e tij për sigurinë dhe stabilitetin në Ballkan dhe promovimin e tolerancës fetare. Sekretari i Shtetit, John Kerry, ishte shpërthyes gjatë një vizite në Tiranë në vitin 2016.

“Presidenti Obama, unë dhe populli amerikan jemi shumë mirënjohës për lidershipin që po ofroni dhe për përpjekjet e ekipit tuaj që jo vetëm të kujdeset për Shqipërinë dhe interesat e Shqipërisë, por për të përqafuar një grup të gjerë vlerash që na përcaktojnë të gjithëve“, i tha ai Ramës.

Në shkurt 2020, Sekretari i Shtetit Mike Pompeo vlerësoi mbështetjen e supozuar të Ramës për reformat në drejtësi. Ashtu si me Erdoganin, megjithatë, pyetjet rreth donacioneve të paligjshme në sistemin politik amerikan depërtojnë.

Megjithatë, ka shenja që Rama e sheh veten si një Erdogan të ri. Këtu duhet të jetë një paralajmërim rasti i Fredi Belerit.

Më 12 maj 2023, dy ditë përpara zgjedhjeve bashkiake në Shqipëri, forcat shqiptare arrestuan Belerin, një grek etnik që kërkonte kryebashkiakun e Himarës, një qytet në rivierën shqiptare.

Akuzat ishin të dyshimta. Prokurorët nga aparati i Ramës akuzuan Belerin se kërkon të blejë katër vota për një total prej rreth 320 dollarë. Votuesit i panë akuzat si një përpjekje cinike për të mënjanuar një kandidat të opozitës dhe për t’i hequr komunitetit etnik grek të Shqipërisë kontrollin mbi pronat e paluajtshme gjithnjë e më të vlefshme që bashkëpunëtorët e Ramës shpresonin të zhvillonin. Beleri fitoi, por Rama nuk pranoi ta lejonte atë në detyrë.

Paralelet me Turqinë janë mahnitëse. Së pari, Erdogan sajoi gjithashtu akuza për parregullsi financiare për të mënjanuar kundërshtarët politikë dhe për të konfiskuar pronat e tyre.

Së dyti, ai do të përdorte mjete të dyshimta gjyqësore për të penguar pakicat etnike që të merrnin postet që fituan. Për vite, megjithatë, Erdogan nuk pësoi asnjë pasojë diplomatike për veprimet e tij; Të bindur në të vërtetën e qëndrimit të tyre rreth asaj se si Erdogan ishte një reformist, diplomatët amerikanë madje do ta mbulonin abuzimin.

Pak më shumë se një dekadë më parë, për shembull, Obama lavdëroi Erdoganin në gazetën Sabah, duke injoruar se lideri turk sapo kishte konfiskuar këtë gazetë dhe ia kishte transferuar dhëndrit të tij. Gabimi i Obamës nuk ishte vetëm i tij; ai ishte mbështetur te diplomatët që pinin Kool-aid -in e Erdoganit.

Ashtu si Erdogani, Rama është taktik. Ai e kupton se, për sa kohë diplomatët dhe zyrtarët kryesorë në Uashington dhe Bruksel e shohin atë si një reformator, siç shihnin dikur Erodganin, ata do ta lejojnë Ramën të përdorë gjykatat për të sulmuar opozitën politike. Ish-ambasadorja Yuri Kim e injoroi abuzimin e Ramës teksa ajo manovronte për një postim pasues në Ankara dhe kjo ishte qershia mbi tortë.

Uashingtoni nuk duhet të bëjë të njëjtin gabim dy herë. Në rrezik është më shumë se bashkëpunimi i sigurisë në Ballkan. I lënë i pakontrolluar, erdoganizmi jep metastaza e abuzime dhe paqëndrueshmëria vjen më pas. Është koha të gjykojmë Ramën nga veprimet e tij, jo nga propaganda e tij, dhe ta shpallim Belerin të burgosur politik./ Autor: Michel Rubin, anëtar i lartë në “American Enterprise Institute”.

“Maya e punësoi si bodyguard” – Flet avokati i këngëtares: Bashkëshorti i saj, i alkoolizuar

Avokati mbrojtës i Mayas, Idajet Beqiri “shpërtheu” në akuza ndaj bashkëshortit të saj, me të cilin këngëtarja është në prag divorci.

Në një intervistë në “Vizioni i Pasdites”, Beqiri zbuloi se ata njohjen e kanë pasur gjatë koncerteve të Mayas, ku fillimisht këngëtarja e ka punësuar si bodyguard.

Më pas, ata kanë nisur romancën së bashku, por sipas avokatit, Arben Shuaipi ishte njeri me vese.

Idajet Beqiri tha se ai e ka keqtrajtuar vazhdimisht Mayan, duke shtuar se këngëtarja para se të martohej ka nënshkruar kontratë paramartesore për pasurinë.

Pjesë nga deklaratat e Idajet Beqirit:

Marrëdhëniet fillimisht i kanë ndërtuar jo marrëdhënie dashurore. Ai, Arbeni, ka kontaktuar, është prezantuar si fans i saj dhe i është ofruar që të ishte bodyguard i saj për ta mbrojtur. Gjatë ecjes nëpër koncerte të ndryshme janë dashuruar dhe jetonin bashkë. Në vitin 2021 janë martuar, kanë lidhur martesën ligjore. Para se të lidhnin martesën, Maya e cila ishte me nënshtetsi gjermane, insistimi i Arbenit ishte që të merrte nënshtetësinë gjermane….Maya ka bërë një kontratë paramartesore duke thënë që gjithçka kam në pronësinë time, mbetet e imja dhe nuk ka pretendime bashkëshorti. Ndërsa çfarë do të vendoset që sot e tutje do të jetë individuale. të gjitha janë të specifikuara këto në kontratën paramartesore. Apeloj gjithë shqiptarët t’i bëjnë këto kontrata.

Kur e ka apeluar kërkesën për divorc?

Beqiri: Ai ka shfaqur disa të meta në karakter. Vesi i keq i tij është që ai ishte përdorues i alkoolit, deri në pikën kur u bë i alkoolizuar. Është shumë manipulator. Maya e ka çuar në doktor me shpenzimet e veta që të hiqte dorë nga alkooli. Maya ka pretenduar që ai përdorte dhe lëndë narkotike. Unë nuk e konfirmoj sepse nuk kam informacion për një gjë të tillë. Faktin që ai përdorte alkool e tregon dënimi me 3 muaj për drejtim mjeti në gjendje të dehur. Ai nën efektin e alkoolit e ka keqtrajtuar në mënyrë të vazhdueshme, dhunë fizike dhe psikologjike. Por ajo, duke qenë një emër i njohur, e ka shpehur më shumë të motrat e veta dhe te njerëzit e saj. Nuk mundi që ta bënte të hiqte dorë nga alkooli. Kur arriti kulmin, e pa dhe motra që ai ushtroi dhunë fizike, shkoi dhe mori një kërkesë për mbrojtje dy vite më parë. Kjo video që ka dërguar ai, është rasti i 23-të që ka thyer urdhrin e mbrojtjes.

Ngjarje e rëndë në Itali/ 18-vjeçari shqiptar bie nga lartësia. Në luftë për jetën

Një 18-vjeçar shqiptar po lufton për jetën në një prej spitaleve në Milano për shkak të një aksidenti të ndodhur në punë.

I riu po punonte në një kantier ndërtimi në qendër të Milanos, kur ra nga një lartësi prej 10 metrash, për arsye ende të pazbardhura.

Në vendin e ngjarjes mbërritën menjëherë policia, zjarrfikësja dhe ambulanca për të nxjerrë 18-vjeçarin nga vendi ku kishte rënë dhe për ta dërguar në spital.

Ai u transportua në spitalin e Niguardës, ku ndodhet në gjendje të rëndë për jetën.

“Kur Shqipëria kishte nevojë, unë isha aty” – Eros Grezda shpërthen në kritika

Eros Grezda ka shpërthyer në kritika ndaj Kombëtares Shqiptare.

Sulmuesi shqiptar, gjatë një interviste për “Koha.net”, shprehu zhgënjimin e tij për mënyrën si është trajtuar dhe aktivizuar me Kombëtaren.

Ai ka luajtur 13 ndeshje dhe ka shënuar një gol për Shqipërinë, duke treguar gatishmërinë e tij. Por Eros Grezda u shpreh i zhgënjyer për faktin se me Shqipërinë nuk u paraqit në ndonjë ngjarje të madhe.

“Do të doja të isha pjesë e një Evropiani, por për fat të keq nuk isha. Shqipëria ishte ëndrra ime. Kur mora ftesë Kosova nuk ishte e pranuar dhe pranova direkt. Kur Shqipëria ma kishte nevojën, unë kam qenë gjithmonë aty, por unë kisha nevojë për Shqipërinë, nuk është se më ka ndihmuar. Edhe sporti i ka këto padrejtësi”, u shpreh Eros Grezda.

Eros Grezda ka vendosur të bëjë një pushim nga futbolli për shkak të problemeve të shumta shëndetësore me të cilat është përballur dhe operacioneve që ka kaluar.

Ai tregoi se nuk është i kënaqur me ecurinë e tij shëndetësore dhe për këtë arsye ka vendosur për një shkëputje të përkohshme.

“Këto vitet e fundit me problemet shëndetësore që kam kaluar, kam qenë shumë keq. Kam tentuar të kthehem disa herë. Nuk jam i kënaqur me progresin ku mund të arrij dhe vendosa njëherë të pushoj.

Kam pasur katër operime të ligamenteve në nyja të këmbëve. Dy herë në Kroaci më kanë operuar gabim. Ka qenë momenti më kritik i karrierës sime. Operimin e parë e kam pasur pak para se të kaloja në Rangers, pastaj lëndimin e kam pasur në Rangers, në përgatitje në janar. Pastaj jam bërë imun në injeksione dhe në Kroaci dy herë jam operuar. Kurse herën e katërt në Barcelonë”, tha Grezda.

Artan Hoxha “plas bombën”: Meta ka ikur nga shtëpia, ka një muaj që rri në hotel

Në një kohë kur vëmendjen ditët e fundit e ka marrë përplasja politike mes Ilir Metës dhe Monika Kryemadhit, gazetari Artan Hoxha zbuloi se krisja mes çiftit është edhe në jetën personale.

Në një intervistë në “Top Talk”, Artan Hoxha deklaroi se Ilir Meta ka një muaj që është larguar nga shtëpia dhe jeton në hotel.

Po ashtu, sipas gazetarit, Meta ka hequr dorë edhe nga mbrojtja që duhet të ketë nga Garda e Republikës, si ish-president.

“Ajo parulla e famshme “me qetësi dhe dashuri”, në këtë moment me qetësi dhe dashuri e ka Kryemadhi, jo Meta. S’ka as dashuri se ka ik nga shtëpia, ka një muaj që rri në hotel, ka katër javë sot që qëndron aty, së dyti ka larguar Gardën e Republikës që është një problem i madh.

Ai është ish-president dhe 5 vite që nga momenti që ai ka lënë detyrën ai duhet të jetë çdo moment në sigurinë e Gardës së Republikës.

Gardistët që kanë qenë njerëz shumë besnikë të tij janë paraqitur në Gardë, kanë paraqitur njoftimin, i ka larguar titullari. Ai po përpriqet ta ringrejë dhe një herë partinë sepse rezultati i fundit që ka LSI është në zgjedhjet e 2021″, tha Artan Hoxha.