Day ArchiveEmri/ Polici në Tiranë plagos trafikantin pasi tentoi ta shtypë me makinë, kishte 1 kg kokainë

Pesë gjëra për të cilat të pasurit nuk shpenzojnë kurrë para

Tom Corley, kontabilist dhe planifikues financiar ka kaluar pesë vjet duke intervistuar dhe duke studiuar 233 milionerë, për të mësuar për zakonet e tyre dhe mënyrën se si ata mendojnë.

Njerëzit e pasur, që ai intervistoi, kishin prejardhje dhe përvoja të ndryshme, por të gjithë kishin të paktën 160.000 dollarë të ardhura bruto vjetore, si dhe 3.2 milionë dollarë aktive neto.

Corley thotë “Më interesonte veçanërisht, se për çfarë i shpenzojnë paratë e tyre. Por, pothuajse të gjithë, më thanë se ajo që kontribuoi më shumë në pasurinë e tyre, ishte se ata ndaluan së shpenzuari para për gjëra të caktuara.”

1. Ushqime të përpunuara dhe të paketuara

Për t’i dhënë përparësi shëndetit, ata ndaluan së bleri ushqime të përpunuara me cilësi të ulët dhe në vend të kësaj, zgjodhën ushqime organike ose të shëndetshme, që nuk kishin konservues.

Ata shpesh kërkonin produkte, që mund të bliheshin në vendin e origjinës dhe shkonin në tregjet e fermerëve dhe tregjet ushqimore, që njiheshin për prodhimet dhe mishin me cilësi të lartë.

2. Produkte të prodhuara me çmim të ulët

Ata refuzuan të ‘hidhnin’ para për tendencat më të fundit të modës, apo mobilie të lira dhe me cilësi të dobët.

Në vend të kësaj, shumë zgjodhën të investonin në materiale cilësore për veshjet dhe shtëpinë e tyre.

Shpesh, kostoja ishte dy deri në tre herë më e lartë, se veshjet dhe mobiliet me cilësi të ulët. Por ata ishin të kënaqur, duke bërë blerje më të mëdha, sepse do të ishte më pak e shtrenjtë, se zëvendësimi i vazhdueshëm i produkteve të lira.

3. Riparime të kushtueshme të shtëpisë ose makinës

Në të njëjtën mënyrë, shumë prej milionerëve, thanë se duke pasur parasysh opsionin, ata zgjidhnin të shpenzonin para për të zëvendësuar plotësisht gjëra si çatitë e vjetra, makinat larëse, pjatalarëse, frigoriferët, furrat dhe madje edhe automjetet, në vend që të investonin fondet e tyre të fituara me vështirësi, në riparime të shtrenjta.

Ndërsa kjo ishte shpesh më e kushtueshme, ata racionalizuan se diçka e re do të zgjaste shumë më gjatë se diçka e riparuar.

4. Mjetet dhe pajisjet e jashtme

Ndërkohë, që disave u pëlqente ende të bënin punë në natyrë, si kositja, pastrimi i barërave të këqija etj., pjesa më e madhe, sapo u pasuruan, punësuan punëtorë për t’u kujdesur për të gjithë mirëmbajtjen e jashtme të pronave të tyre.

Ajo që po blinin, ishte koha. Duke qenë se nuk kishin më nevojë t’i kushtonin një ose dy orë çdo javë për të mirëmbajtur pronën e tyre, kjo u dha atyre më shumë kohë për të pushuar, për t’u çlodhur ose për t’u përfshirë në aktivitete krijuese.

5. Biletat e lotarisë

Shumë nga milionerët, iu shmangën lojërave të fatit, ndërsa po ndërtonin pasurinë dhe ky vendim, u shtri në jetën e tyre të re financiare.

Ata treguan se pasi u pasuruan, refuzuan të shpenzonin para për biletat e lotarisë dhe do të nxisnin punonjësit, familjen dhe miqtë e tyre të bënin të njëjtën gjë.

Meqenëse gjasat për të fituar ndonjë llotari janë të pakta, ata e shohin këtë shpenzim si humbje parash.

Në vend të kësaj, ishte më mirë, që ato fonde të shpenzoheshin për përvoja të reja

Të tjerët bëjnë më shumë seks se ju? Meshkujt duan më shumë? Ekspertët rrëzojnë mitet mbi seksin

Shumë të rritur e kanë të vështirë të flasin për seksin me personin që i sheh rregullisht të zhveshur.

Cilado qoftë arsyeja, keqinformimet për seksualitetin dhe dëshirën janë të zakonshme.

“Ka kaq shumë mite në këto raste,” tha Laurie Mintz, profesoreshë e psikologjisë në Universitetin e Floridës, e cila fokusohet tek seksualiteti njerëzor. Dhe, shtoi ajo, ato mund të “shkaktojnë shumë dëme”.

Për këtë arsye iu drejtuam një grupi terapistësh dhe studiuesish seksi duke u kërkuar atyre të tregonin një mit që dëshironin të zhdukej

Ja çfarë thanë ata:

Miti 1: Të gjithë të tjerët po bëjnë më shumë seks se ju.

“Çuditërisht, ky mit vazhdon gjatë gjithë jetës,” tha Debby Herbenick, drejtoreshë e Qendrës për Promovimin e Shëndetit Seksual në Shkollën e Shëndetit Publik të Universitetit të Indianës dhe autore e librit se çfarë duhet të dinë prindërit për adoleshentët e sotëm dhe seksin

Shumë adoleshentë mendojnë se “të gjithë po bëjnë seks”, tha ajo, duke i bërë ata të hidhen në seks edhe pse nuk janë gati. Ky mit mund t’i bëjë edhe ata në marrëdhënie afatgjata që të ndihen keq, sikur të jenë të vetmit në të ashtuquajturën periudhë të thatë, kur thjesht mund të jenë duke përjetuar baticën dhe rrjedhën natyrale të dëshirës.

“Është shumë tipike të zbulosh se rreth një në tre njerëz nuk kanë pasur marrëdhënie seksuale vitin e kaluar,” tha Dr. Herbenick, duke iu referuar disa sondazheve.  Ajo gjithashtu tregon për hulumtimet në të cilat ka punuar, duke treguar se aktiviteti seksual ka rënë vitet e fundit për arsye që nuk janë kuptuar plotësisht. (Studiuesit kanë hedhur hipoteza se rënia ka të bëjë me faktorë si rritja e pornografisë në internet, apo pirja e alkoolit tek të rinjtë.)

“Për ata që kërkojnë jetëgjatësi në jetën e tyre seksuale, është e rëndësishme të mendojnë për seksin në një mënyrë holistike.” Kjo do të thotë të kujdesesh për shëndetin tënd fizik dhe mendor, tha ajo, dhe të flasësh me partnerin për të ruajtur një ndjenjë intimiteti dhe lidhjeje.

Miti 2: Seks do të thotë depërtim.

Terapistët e seksit shpesh ankohen që njerëzit përfshihen në idenë se seksi duhet të shpaloset në një mënyrë të veçantë – zakonisht, pak ‘nxehje’ që çon në marrëdhënie.

Por “ne duhet të shkojmë përtej përcaktimit të seksit me një sjellje të vetme”, tha Ian Kerner, një terapist seksi dhe autor i “She Comes First”. Ai vuri në dukje se ky lloj i të menduarit të ngushtë ka kontribuar në hendekun e gjatë të kënaqësisë midis burrave dhe grave në takimet heteroseksuale. Për shembull, një studim zbuloi se 75 për qind e burrave heteroseksualë thanë se kishin orgazëm sa herë që kishin qenë seksualisht intimë gjatë muajit të kaluar, krahasuar me 33 për qind të grave heteroseksuale.

Një sondazh zbuloi se 18 për qind e grave arritën në orgazëm vetëm nga penetrimi, ndërsa 37 për qind thanë se kishin nevojë gjithashtu për stimulim klitorial për të arritur orgazëm gjatë marrëdhënieve seksuale. Në vend që të nxitoni drejt marrëdhënies seksuale, fokusi duhet të jetë tek “marrëdhëniet e jashtme”, tha Dr. Kerner, i cili është një term ombrellë për çdo aktivitet seksual që nuk përfshin penetrim.

“Nëse shikoni shumicën e filmave të zakonshëm, imazhi është se gratë po përjetojnë orgazma të shpejta dhe fantastike nga depërtimi, dhe paranxehja është vetëm e para drejt asaj që duhet ngjarja kryesore,” tha Dr. Mintz. “Kjo është në të vërtetë, shkencërisht, e dëmshme dhe e rreme.”

Në anketimin e mijëra grave për librin e saj, Dr. Mintz zbuloi se përqindja e grave që thanë se kishin orgazëm vetëm nga penetrimi ishte 4 për qind ose më pak.

Barazimi i seksit me penetrimin gjithashtu lë jashtë njerëzit që bëjnë seks në mënyra të tjera. Kjo pikëpamje gjithashtu anashkalon njerëzit me aftësi të kufizuara, si dhe ata që thjesht nuk e shijojnë depërtimin. Shumë njerëz gjejnë kënaqësi më të madhe seksuale nga gjëra të tilla si seksi oral apo “edhe vetëm kontakti trupor”, tha ajo.

Miti 3: Organi femëror nuk duhet të ketë nevojë për lubrifikant shtesë

Gratë në postmenopauzë ndonjëherë e përshkruajnë dhimbjen që përjetojnë gjatë seksit depërtues si  ndjesia e një “letre zmerile” ose “thike”. Por ndërsa thatësia e organit femëror prek gratë e rritura në moshë moshuara me një shkallë më të lartë, ajo mund të ndodhë në çdo moment të jetës, tha Dr. Herbenick, gjë që ka implikime në jetën seksuale të grave.

Rreth 17 për qind e grave midis 18 dhe 50 vjeç raportojnë thatësi të organit femëror gjatë seksit, ndërsa më shumë se 50 për qind e përjetojnë atë pas menopauzës.

Ajo vuri në dukje se është gjithashtu më e zakonshme gjatë kohës që gratë ushqehen me gji ose gjatë menopauzës, dhe se disa medikamente, duke përfshirë disa forma të kontrollit të lindjes, mund të ulin lubrifikimin.

“Siç u them shpesh studentëve të mi, organi femëror nuk është pyll tropikal,” tha Dr. Herbenick, duke vënë në dukje se hulumtimi i saj ka zbuluar se shumica e grave amerikane kanë përdorur një lubrifikant në një moment të caktuar. “Ne mund të ndihemi të eksituar ose të dashuruar dhe ende të mos lubrifikojmë ashtu siç duam”

Miti 4: Është normale që seksi të dhembë

Megjithëse lubrifikuesi mund të ndihmojë disa gra të përjetojnë më shumë kënaqësi gjatë seksit, është e rëndësishme të mbani mend se seksi nuk duhet të dëmtojë. Rreth 75 përqind e grave përjetojnë seks të dhimbshëm në një moment të jetës së tyre, i cili mund të ketë shumë shkaqe rrënjësore: probleme gjinekologjike, ndryshime hormonale, trajtimi i kancerit, trauma… dhe lista vazhdon.

Shemeka Thorpe, një studiuese dhe edukatore e seksualitetit, e specializuar në mirëqenien seksuale të grave me ngjyrë  tha se shumë gra besojnë se dhimbja gjatë ose pas seksit është një shenjë e seksit të mirë.

“Ne dimë shumë raste që njerëzit që përfundojnë me një lloj çrregullimi të dhimbjes seksuale më vonë në jetë kanë pasur dhimbje seksuale gjatë marrëdhënies së tyre të parë dhe kanë vijuar të kenë dhimbje seksuale,” tha Dr. Thorpe. “Ato nuk e kuptuan se kjo në fakt duhej të konsiderohej një problem”

Burrat gjithashtu mund të përjetojnë dhimbje gjatë marrëdhënieve seksuale. Ekspertët theksojnë se është e rëndësishme për këdo që përjeton dhimbje gjatë seksit të lërë një takim tek mjeku

Miti 5: Burrat gjithmonë duan seks më shumë sesa gratë

“Mospërputhja e dëshirave është problemi numër 1 me të cilin përballem në praktikën time dhe në asnjë forme partneri me dëshirë më të lartë për seks nuk duhet pare gjithmonë i keq”, tha Dr. Kerner. “Por për shkak të këtij miti, meshkujt shpesh ndiejnë një ndjenjë turpi për mungesën e dëshirës së tyre për seks dhe një presion për të filluar ata të parët”.

Por ndërsa ka të dhëna që sugjerojnë se meshkujt masturbojnë më shpesh sesa femrat, është e pavërtetë se femrat nuk duan seks, apo që meshkujt duan gjithmonë, tha Dr. Broën-James. Për shembull, një studim i kohëve të fundit zbuloi se dëshira e grave priret të luhatej më shumë gjatë jetës së tyre, por që burrat dhe gratë përjetuan luhatje shumë të ngjashme të dëshirës gjatë nje jave.

Miti 6: Dëshira duhet të të vijë menjëherë

Terapistët dhe studiuesit e seksit në përgjithësi besojnë se ekzistojnë dy lloje dëshirash: spontane, ose ndjenja e dëshirës së seksit jashtë mase, dhe e përgjegjshme, e cila lind si përgjigje ndaj stimujve, si psh prekja.

Njerëzit priren të mendojnë se dëshira spontane – e cila është ajo që shumë të dashuruar e përjetojnë herët në marrëdhënie – është disi më e mirë.

Por Lori Brotto, psikologe dhe autore e nje libri mbi seksin tha se fokusi i punës që ajo bën lidhet me normalizimin e dëshirës së përgjegjshme, veçanërisht midis grave dhe atyre në marrëdhënie afatgjata.

Ajo i ndihmon të kuptojnë se është e mundur të kalosh në seks pa dëshirë spontane, për sa kohë që ka vullnet dhe pëlqim.

Miti 7: Seksi i planifikuar është i mërzitshëm.

Dr. Brotto gjithashtu nuk pajtohet me idenë se “seksi i planifikuar është seksi i keq”, sepse e bën atë “klinik, të thatë dhe të mërzitshëm”.

Kjo pikëpamje është “shumë e dëmshme”, tha ajo. Dhe kjo rezulton në shumë njerëz që e trajtojnë seksin si një mendim të mëvonshëm, duke e bërë atë vetëm natën vonë kur janë të rraskapitur, tha Dr. Brotto, ose kur gjejnë një farë kohe për të.

Miti 8: Organi mashkullor nuk ‘është në formë’

Burrat janë nën një presion të caktuar kur bëhet fjalë për mënyrën se si duken apo funksionojnë organet e tyre mashkullore, tha Dr. Kerner. Burrat në moshë të re, tha ai, besojnë se nuk duhet të kenë probleme me ereksionin, ndërsa meshkujt ne moshë të rritur marrin mesazhin se derdhja e parakohshme është diçka që që lidhet me moshën dhe përvojën.

Por të dhënat tregojnë një histori tjetër. Megjithëse disfunksioni erektil ka tendencë të rritet me moshën, ai gjithashtu prek rreth 8 për qind të meshkujve në të 20-tat e tyre dhe 11 për qind të atyre në të 30-at. 20 për qind e meshkujve gjithashtu ndërmjet moshës 18 dhe 59 vjeç raportojnë se kanë përjetuar ejakulim të parakohshëm.

“Ne kemi mbetur vetëm me mitet se djemtë me ejakulim të parakohshëm janë të ‘këqij’ në shtrat ose egoistë seksualisht”

Në mënyrë të ngjashme, studimet tregojnë se shumë meshkuj – homoseksualë dhe hetero – shqetësohen se organet e  tyre nuk janë në gjatësinë e duhur, edhe pse shumë partnerë në anën tjetër thonë se nuk preferojnë një organ mashkullor veçanërisht të madh./NYT

Rama reagon për herë të parë për rrëfimin e Arben Ahmetajt dhe akuzat ndaj tij

Kryeministri Edi Rama ka folur për herë të parë për akuzat e Arben Ahmetajt, kundrejt tij dhe qeverisë.

Pyetur nga Blendi Fevziu se si i përgjigjet akuzave të ish-bashkëpunëtorit të tij më të ngushtë, Rama tha se nuk mund t’i përgjigjet dikujt që e kërkon drejtësia.

“Nuk kam cfarë t’i përgjigjem dikujt që është në kërkim. Fakti që është në kërkim nga drejtësia tregon shumë”, tha kryeministri i vendit.

Ndonëse pyetja u ripërsërit disa herë nga moderatori i ‘Opinion’, Rama  dha të njëjtën përgjigje.

Në janar të këtij viti, Arben Ahmetaj u shfaq në SyriTV ndonëse në arrati, ku akuzoi Ramën dhe kabinetin e tij për përfshirje në afera korruptive.

Parlamenti miraton ngritjen e dy komisoneve hetimore. Abstenojnë dy deputetët socialistë

Parlamenti miratoi përfundimisht ngritjen e dy komisioneve hetimore.

Me 95 vota pro dhe 1 abstenim është miratuar ngritja e komisionit hetimor dhe përbërjen e tij për koncensionet në shëndetësi dhe me 96 vota pro dhe 1 abstenim për komisionin hetimor për sistemin TIMS.

Sipas informacioneve, votimi është sabotuar nga dy socialistë. Për komisionin hetimor në kontratat koncensionare në shëndetësi ka abstenuar Erion Braçe, ndërsa abstenimi për komisionin hetimor për sistemin TIMS ka ardhur nga Petro Koçi.

Basha: Qëndrimi i Berishës në politikë pas “non grata” na penalizoi. Në Shkodër e ndihmoi Rama

Lulzim Basha ishte sot përballë ish-koleges së tij, Grida Duma.

I ftuar si kryetar i Partisë Demokratike, Basha i kaloi fajin kryetarit të PD-së së Rithemelimit se pse opozita është në krizë.

Sipas Bashës, këmbëngulja e Berishës për të qenë pjesë e politikës edhe pse u shpall non-grata ka “sabotuar” PD-në e Bashës.

“Edhe sot e kësaj dite e përsëris, ndjej keqardhje të thjeshtë sepse nuk jam nga ata që harron historinë. Po të kishte ndjekur këshillën time, sot PD do ishte shumë më mirë, në mos në pushtet, shumë afër pushtetit”, tha Basha.

Më tej ai shtoi se në zgjedhjet e pjesshme lokale të 6 marsit, Berisha u ndihmua nga Rama për të korrur një fitore të përkohshme në Shkodër.

Faza e dytë, është procesi zgjedhor i 6 marsit, siç e dimë fare mirë me ndihmë të nëndheshme të Edi Ramës arriti që në Shkodër të korrte një fitore jetëshkurtër. Dorëheqja ime erdhi me idenë që të kishte një tërheqje. Gjërat shkuan shumë më keq, një grup i mbetur në PD u përpoq të gjente rrugën më të shkurtër duke iu nënshtruar Berishës për ta çuar partinë atje”- u shpreh Basha.

Zv.kryeministrja nën hetim? KLSH: Belinda Balluku jep licenca fotovoltaikësh pa dokumentacion

Ministrja e Infrastrukturës dhe Energjikes, Belinda Balluku, sipas raporti të KLSH-së ka dhënë licenca në konflikt interesi dhe abuzive.

Sipas auditimit të Kontrollit të Lartë të Shtetit, Balluku ka licencuar me të drejtën e prodhimit të energjisë nga dielli, kompani të lidhur me të apo ekipin e saj, si edhe shkelje.

Në të paktën 8 kontrata për këto parqe ka patur mungesa të dokumenteve për disa nga kontratat.

Sipas Kontrollit të Lartë të Shtetit: “Dosja nuk është e inventarizuar, në kundërshtim me Normat tekniko- profesionale dhe metodologjike të shërbimit arkivor në Republikën e Shqipërisë.” Por KLSH u ka qëndruar përfundimeve të auditimit, duke zbuluar detaje të tjera.

“Në asnjë rast referuar dokumentacionit të vënë në dispozicion, nuk administrohej një shkresë ku ministria kërkon dokumentacion shtesë. Dosjet e këtyre praktikave duhet të mundësojnë gjurmën e auditimit, pra të administrojnë jo vetëm dokumentacionin e sjellë nga subjektet, por edhe dokumentacionin vërtetues të të gjithë punës së kryer nga ana e ministrisë dhe njësive të saj.”

Një problem tjetër që ngrihet në lidhje me Parqet Fotovoltaike dhe Eolike është Komision i Vlerësimit të Aplikimit. Sipas KLSH-së, Komisionet e Vlerësimit të Aplikimit kanë dhënë vlerësimin pozitiv për disa kompani edhe në rastet kur dokumentacioni i sjellë nga këto subjekte aplikuese nuk justifikonin kushtet e pranimit për aplikim.

Sipas KLSH -së “Toleranca në dhënien e miratimeve paraprake subjekteve që nuk justifikojnë kapacitetin teknik, stafin dhe mjetet, si dhe eksperiencën e nevojshme për të ndërtuar impiante të tilla fotovoltaike ose eolike mund të cenoje në vetvete qëllimin e MIE për të rritur prodhimin e energjisë nga burimet e rinovueshme diellore dhe të erës”.

Audituesit theksojnë se nga Raporti Vjetor i ERE për vitin 2021, vetëm 3 nga impiantet fotovoltaike kanë nisur prodhimin dhe asnjë impiant eolik.

Në këtë rast, KLSH ka nënvizuar se mungon mbikëqyrja dhe monitorimi i veçantë nga ana e Ministres Belinda Balluku, për të realizuar me sukses futjen në treg të këtyre kompanive.

Nga auditimi me zgjedhje i urdhër-shpenzimeve, duke i analizuar dhe me regjistrimin në sistemin Sistemi Informatik Financiar i Qeverisë (SIFQ) për periudhën 2018-2021 është zbuluar shkelja e afateve për likuidimin e faturave.

Madje, në një rast, në vitin 2019, nga Ministrja Belinda Balluku janë kryer pagesat ndaj kompanive të Përmbarimit, për të cilat mungojnë fatura tatimore të lëshuara.

Në këta rast, KLSH ka kërkuar nga Ministria e Infrastrukturës të marrë masat e një planifikimi/programimi sa më real dhe të besueshëm të buxhetit, pikëpyetje që bien mbi zv.kryeministren Belinda Balluku.

Tenderi i ARRSH

Pikëpyetje që vijojnë edhe  me tenderin e mirëmbajtjes se serverëve të ARRSH ka dërguar në dyert e SPAK-ut edhe kreun e AKSH-it, Mirlinda Karçanaj. Kreu i AKSH u paraqit në institucionin e hetimit të posaçëm pas nisjes së hetimeve për drejtorin e ARRSH-së, Evis Berberi i cili u prangos nën akuzat për shpërdorim detyre dhe korrupsion.

Ndërkohë, mësohet se nën hetim është edhe procedura e ndjekur për një regjistër elektronik, tender i hapur me objekt “Auditimi energjetik i stokut të ndërtesave Publike “, me fond limit 420 mijë euro.

Me sa mësohet nga hetimet, ajo që bie në sy është fakti se, në këtë tender specifikimet teknike kanë ngushtuar kriteret duke zvogëluar konkurrencën e duke hedhur dyshime për paracaktim fituesi.

Edhe ky tender është kryer nëpërmjet Ministrisë së Infrastrukturës së drejtuar nga Belina Balluku.

Balluku nën hetim?

Emri i zëvendëskryeministres Balluku u rishfaq në çështjet hetimore menjëherë pas prangosjes së kreut të ARRSH-së, Evis Berberi, i cili ka qenë bashkëpunëtori i ngushtë i Belinda Ballukut, qyshse nga koha kur ajo drejtonte Albkontrollin.

Zonja ministre dhe njëherësh numri dy i qeverisë, pavarësisht nga ky skandal dhe aferë që tashmë e ka dosjen në SPAK, prej kaq kohësh nuk ka bërë asnjë reagim për prangosjen e Evis Berberit.

Ndërkohë që mediat vijojnë të raportojnë  se hetimi për komunikimet në celular i kreut të ARSH-së, ka lënë të hapur thirrjen e saj për dëshmi, sidomos për vendimet dhe fondet që ka menaxhuar dhe menaxhon ende me firmën e vet.

 

VOA: Butrinti, bëhet pjesë e listës së pasurive botërore në rrezik

Gjykata Kushtetuese zhvilloi sot seancën, ku administroi provat, mbylli shqyrtimin gjyqësor dhe është tërhequr për vendimmarrje.

Gjykata vendosi në janar për të riçelur seancën plenare, në mënyrë që, në dokumentat për shqyrtim të shtohej edhe Raporti i Misionit të Përbashkët UNESCO-ICOMOS për Butrintin.

Gjykata e rinisi seancën e shqyrtimit dokumentar sot nga mëngjesi me dyer të mbyllura, ndërsa Zëri i Amerikës mësoi se Gjykata administroi provat, mbylli shqyrtimin gjyqësor mbi bazën e dokumentave dhe tashmë është tërhequr për të marrë vendim, i cili pritet të dalë brenda afateve ligjore.

Një grup prej 36 deputetësh e cilëson si të papajtueshëm me Kushtetutën dhe aktet ndërkombëtare ligjin mbi administrimin e një pjese të Parkut Kombëtar të Butrintit, bazuar në një marrëveshje mes ministrisë së Kulturës dhe Fondacionit për Menaxhimin e Butrintit.

Ata e vunë në lëvizje Gjykatën Kushtetuese, e cila pasi dëgjoi palët, kërkoi edhe raportin e UNESCO-s, i cili nuk ishte publikuar, pasi pala shqiptare nuk dha pëlqimin, por u ishte dorëzuar autoriteteve në shtatorin e kaluar.

Në maj të vitit 2022 qeveria dhe Kuvendi me shumicë socialiste vendosën që Parku Kombëtar i Butrintit të administrohet nga një fondacion i krijuar prej ministrisë së Kulturës dhe Fondacionit Shqiptaro-Amerikan për Zhvillim (AADF).

Veprimtarët e shoqërisë civile dhe deputetët opozitarë protestuan me dyshimet se kjo pasuri e vendit mund të dëmtohet nga kjo mënyrë e pazakonshme administrimi.

Në raportin e monitorimit nga UNESCO shprehet shqetësim i thellë për ndryshimin e kufijve të Parkut Kombëtar të Butrintit nga qeveria shqiptare me heqjen e 600 hektarëve pa dijeninë dhe miratimin e organizatës. Ndërsa sipas një verifikimi të Zërit të Amerikës në dokumentetat zyrtare, jashtë kufijve të Parkut Kombëtar janë lënë 802 hektarë.

UNESCO-ja është kritike edhe për modelin e ri të menaxhimit të qytetit antik të Butrinit, të njohur si zona A-3 prej një Fondacioni të krijuar nga ministria e Kulturës dhe nga AADF-ja. Në raportin e monitorimit thuhet se administrimi vetëm i kësaj zone nuk përmbush kërkesat e UNESCO-s për menaxhim të integruar, që lidhet me natyrën, arkeologjinë dhe monumentet.

Misioni i UNESCO-s ka kërkuar që ministria e Kulturës të ruajë autoritetin e Shtetit Palë për Butrintin, ku organizata kërkon përgjegjësitë shtetërore në përputhje me standartet botërore të vendosura nga UNESCO.

“Marrëveshjet mes ministrisë se Kulturës, AADF-së dhe Fondacioni i ri nuk japin një zgjidhje të përshtatshme, pasi nuk janë përgjegjëse për menaxhimin e pasurisë së Trashëgimisë Botërore si të tillë”, thotë misioni i monitorimit, nga UNESCO.

Qeveria publikoi pak ditë më parë raportin e saj drejtuar UNESCO-s lidhur me Parkun Kombëtar të Butrintit, ku angazhohet të përshtasë Planin e Veprimit drejt një marrëveshje, ku ministria përkatëse të ketë përgjegjësinë dhe autoritetin mbikëqyrës për Butrintin.

Ministria e Ekonomisë, Kulturës dhe Inovacionit publikoi një reagim të mërkurën, një ditë para seancës në Gjykatën Kushtetuese, ku theksoi se roli qendror i shtetit, jo vetëm nuk do të zbehet në formën e re administruese të një pjese të pasurisë universale, por do të jetë garantues i koherencës së mbrojtjes dhe zhvillimit të gjithë Parkut Kombëtar të Butrintit.

Por Shteti Palë nuk e ka më autoritetin për një periudhë dhjetëvjeçare në zonën A-3, ku gjendet qyteti antik, pjesa më e rëndësishme e Butrintit, pasi kjo zonë prej rreth 614,3 hektarësh do të administrohet nga një organizatë jofitimprurëse në formë fondacioni, bazuar në marrëveshjen mes ministrisë së Kulturës dhe Fondacionit Shqiptaro Amerikan për Zhvillim (AADF).

Ministria premtoi ngritjen e Komitetit të Koordinimit të Parkut Kombëtar të Butrintit për të koordinuar dhe monitoruar zbatimin e strategjive dhe politikave të konservimit dhe administrimit të pasurisë universale të Parkut Kombëtar. Në reagim thuhet se grupet interesit dhe komunitetet vendore mund të përfaqësohen në Bord me statusin e vëzhguesit për të rritur transparencën.

“Roli qendror i shtetit dhe përgjegjësia e tij ndaj Konventës nuk cenohen as nga forma e re e administrimit të nën-zonës A3 të Parkut nga Fondacioni për Menaxhimin e Butrintit dhe as nga Bordi i tij i drejtorëve, i cili me 100 për qind të votave punon për mbrojtjen, konservimin dhe zhvillimin e pasurisë kulturore e natyrore”, thuhet në reagimin e ministrisë.

Por ministri i Kulturës ka vetëm një votë në Bordin e Drejtorëve të Fondacionit të përbërë nga 5 anëtarë, të cilët kanë fuqinë e tyre vendimmarrëse.

Ministria e Kulturës edhe Drejtorin ekzekutiv të Fondacionit e ka përzgjedhur një shtetas të huaj të panjohur më parë për rrethet e studiuesve, arkeologëve e restauratorëve, që kanë punuar në Butrint.

Konventa e UNESCO-s, të cilën Shqipëria e ka ratifikuar në vitin 1989, e sheh krijimin e fondacioneve nga Shteti Palë me qëllim që të ftojnë donacione për ruajtjen e trashëgimisë kulturore, por jo me rol të tyre në përfaqësimin e Shtetit Palë, administrues dhe menaxhues të pasurisë botërore.

Ashtu si në raportin e qeverisë shqiptare, që iu dorëzua UNESCO-s pak ditë më parë, as në reagimin e djeshëm të ministrisë nuk përmendet heqja nga qeveria e 802 hektarëve nga Parku i Butrintit, akt që i hapi rrugë menjëherë ndërtimeve. Në raportin e monitorimit përmendet fakti që një muaj pas ndryshimit të kufijve, u dha leja për ndërtimin e një resorti.

Ministria i referohet vetëm zhvendosjes së një pjese të territorit urban të Ksamilit nga zona e mbrojtur e Parkut Kombëtar të Butrintit, por Plani i Menaxhimit parashikonte për këtë 50 deri në 150 hektarë dhe jo 802 hektarë.

Për herë të parë që nga viti 1997, kur Shqipëria u përfshi nga trazirat kaotike, Butrinti rrezikon sërish, sipas specialistëve të trashëgimisë, që të përfshihet në “Listën e Pasurive Botërore në Rrezik”.

Humbja e autoritetit të Shtetit Palë në administrimin e një pjese të pasurisë botërore, ndryshimi i kufijve të pronës pa dijeninë dhe miratimin e Komitetit të Trashëgimisë Botërore dhe zhvillimi projekteve të shpejta urbane dhe të turizmit në zonën e hequr nga Parku i Butrintit pritet të shqyrtohen nga Komiteti i Trashëgimisë Botërore, që do të mblidhet në korrik të këtij viti në Indi.

Arrestohet biznesmeni shkodran i lojërave të fatit dhe bashkëjetuesi i Ilda Bejlerit, Ardit Kraja

Biznesmeni i lojërave të fatit, ish-pronari i “Superbast” Ardit Kraja, është arrestuar në Kosovë.

Ai është vënë në pranga në një nga pikat kufitare të Kosovës, pasi ka rezultuar se ndaj tij ishte lëshuar një urdhër arresti nga dy gjykata në Kosovë me akuzën e krijimit të skemave piramidale dhe lojëra fati të paligjshme.

49-vjeçari raportohet se është ndaluar të mërkurën në pikën kufitare të Vërmicës, ndërsa arrestet ndaj tij janë lëshuar nga Gjykata Themelore në Prizren dhe ajo në Mitrovicë për shkak të dyshimit se ka kryer veprën penale “Organizim i skemave piramidale dhe bixhozit të paligjshëm”.

Siç raportojnë mediat në Kosovë, gjykata ka urdhëruar që biznesmeni shkodran fillimisht të intervistohet nga Prokurori i Prokurorisë Themelore në Mitrovicë, dhe të ndalohet për 48 orë.

Kraja dyshohet se investonte të hapjen e pikave të basteve në Kosovë, duke u dhënë programin, linkun dhe kodet e operimit personave të ndryshëm, madje edhe duke investuar në bizneset e tyre. Sipas hetimeve, Kraja merrte 60% të fitimit nga bastet që vendoseshin.

Ardit Kraja njihet si biznesmen i fuqishëm në Shqipëri, me të paktën 10 kompani që operojnë në fusha të ndryshme si edhe në ndërtim. Ndërsa gjatë kohës që lojërat e fatit ishin të ligjshme, ai kishte një prej kompanive më të mëdha të basteve në vend.

Ardit Kraja njihet edhe si bashkëjetuesi i Ilda Bejlerit. Çifti ka një vajzë nga lidhja e tyre.

Vite më parë në media është raportuar gjerësisht se Kraja ishte kërcënuar nga Ervis Martinaj, të cilin e kishte rival në biznesin e lojërave të fatit.

Kur Prokuroria Speciale e Kosovës ngriti aktakuzë kundër punëtorëve të bixhozit në Kosovë Skerdi Feros, Sokol Stafajt, Alban Petit, Lulzim Paqaradës, Fidan Hoxhës, Gasper Kaçinarit, Jozef Gjinit, Fisnik Sadrijat, Flakron Kurteshit e Rrezarta Miftarajt, i kishte përshkruar si të angazhuar të Ardit Krajës.

“…të akuzuarit në këtë rast dikur kanë punuar për bastoret e shtetasit të Shqipërisë, Ardit Kraja, dhe pas muajit prill 2019 kur në Kosovë bixhozi “thjeshtë kanë vazhduar me aktivitete e njëjta”, thuhet në aktakuzën e Prokurorisë.

Këto gabime që bëni gjatë dushit mund t’ju shkaktojnë probleme të mëdha shëndetësore

Dushi i shpeshtë apo mos ndërrimi i peshqirëve për një kohë të gjatë mund të sjellin shqetësime të ndryshme për shëndetin tuaj.

Bëni dush shumë shpesh

Nëse bëni çdo ditë dush edhe nëse në të vërtetë nuk keni nëvojë për një të tillë, ju mund të jeni duke dëmtuar lëkurën tuaj. Larja largon vajin dhe bakteret e shëndetshme nga lëkura juaj, kjo mund të shkaktojë lëkurë të thatë, kruarje dhe të lejojë që bakteret e këqija të hyjnë përmes lëkurës së plasaritur. Kur e ekspozoni trupin tuaj ndaj papastërtive dhe baktereve normale, ju në fakt e ndihmoni atë në forcimin e sistemit imunitar.

Përdorni sapunin e gabuar

Sapunët e ashpër mund të vrasin shumë baktere, duke përfshirë edhe ato të mirat. Duke e lënë lëkurën tuaj më të ekspozuar ndaj bakereve të dëmshme që janë rezistente. Prandaj përdorni sapunë të butë me vajra të shtuar, pastrues të butë ose shampo dushi me hidratues të shtuar. Nëse keni ekzemë ose lëkurë të ndjeshme, sapunët me aroma mund të irritojnë më tepër lëkurën tuaj. Në vend të tyre përdorni sapunë pa aromë.

Nuk i lani shpesh peshqirët

Peshqirët e lagësht janë një terren perfekt për rritjen e baktereve, mykut dhe viruseve. Një peshqir i ndotur mund të shkaktojë mykun e thonjve, kruajtjen e këmbëve dhe lytha. Për të shmangur këtë, ndërroni ose lani peshqirin tuaj të paktën një herë në javë dhe sigurohuni që të thahet pas çdo përdorimi.

Mos pastrimi i sfungjerëve të dushit

Sfungjerët janë të shkëlqyer por janë edhe vendi i përsosur që mikrobet zgjedhin për t’u fshehur. Ju duhet ta pastroni atë çdo javë dhe pas çdo përdorimi ta lini në një vend të përshtatshëm ku ai mund të thahet me lehtësi. Dhe mos harroni ta zëvendësoni me një të ri çdo 1-3 muaj.

Bëni dush me ujë të nxehtë

Një dush i gjatë dhe i nxehtë edhe pse mund t’ju kënaqë pa masë, sidomos në muajt e ftohtë, mund të largojë yndyrat natyrale të lëkurës tuaj duke e lënë lëkurën e thatë. Mbroni lëkurën tuaj duke përdorur ujë të vakët. Kjo është veçanërisht e rëndësishme nëse keni një sëmundje të lëkurës si ekzema ose psoriasa.

I lani flokët shumë shpesh

Nëse nuk keni skalp shumë të yndyrshëm, ndoshta nuk keni nevojë t’i lani flokët çdo ditë. Nëse keni flokë kaçurrelë, të trashë ose të lyer, lajini flokët më rrallë në që të mos thahen shumë.

Nuk e pastroni kokën e dushit

Koka juaj e dushit është shtëpiq ideale për bakteret, të cilave u pëlqen të rriten në vrimat e vogla, të lagura dhe të errëta. Kur uji rrjedh, bakteret mund të hyjnë në ajrin që thithni.

Nuk e hidratoni lëkurën pas dushit

Kremi hidratues funksionon duke bllokuar lagështinë në lëkurën tuaj. Koha më e mirë për ta përdorur është menjëherë pasi të jeni larë. Aplikojeni krem hidratues brenda pak minutash pasi jeni tharë mirë me peshqir./ Agroweb