Day Archive“I moshuar me kujtesë të dobët”- Biden s’do të akuzohet për dokumentet e klasifikuara Cristiano Ronaldo, atleti më i pasur në botë me 256 milionë euro të ardhura

Sportico ka publikuar për të tretin vit radhazi listën e sportistëve më të paguar. Katër nga gjashtë atletët me të ardhurat më të larta vitin e kaluar i përkasin botës së futbollit, ku Cristiano Ronaldo renditet i pari me të ardhura prej 256 milionë eurosh.

Kjo është kryesisht për shkak të kontratës që nënshkroi vitin e kaluar me Al Nasr të Arabisë Saudite, nga e cila i fiton 200 milionë në vit, ndërsa pjesa tjetër vjen nga marrëveshjet tregtare që ka bërë (të mos harrojmë se ai ka 600 milionë ndjekës në instagram) por edhe bizneset e tij të ndryshme.

Top 3 i futbollistëve plotësohet nga dy ish-shokët e skuadrës (në Paris Saint-Germain): Lionel Messi dhe Kylian Mbappe.

Argjentinasi, i cili është numri 3 në renditjen botërore, ka shtuar 121 milionë euro në llogaritë e tij (60.5 nga kontrata me Parisin dhe Inter Miami dhe po aq nga sponsorizimet), ndërsa sulmuesi francez, i cili është numri 5, ka fituar. 116 milionë euro (me paratë nga sponsorizimet janë rreth 20 milionë).

Pozicioni i duhur i gjumit për njerëzit që vuajnë nga urthi

Refluksi i stomakut dhe urthi ndodhin kur acidi nga stomaku juaj arrin në fytin tuaj. Kjo mund të shkaktojë ndjesinë e djegies dhe acarim në ezofag.

Shumë prej njerëzve që vuajnë nga refluksi i acidit, ankohen për përkeqësim të simptomave gjatë orëve të natës.

Ekspertët thonë se nëse qëndroni ulur apo në këmbë, graviteti është ai që ndihmon që përmbajtja e stomakut të mos luhatet drejt ezofagut.

Kur njeriu qëndron shtrirë, aciditeti e ka më të lehtë të ngjitet drejt ezofagut dhe të ndërpresë gjumin.

Pozicioni i duhur i gjumit 

Sipas ekspertëve, ndryshime të vogla në stilin e jetesës mund të kenë ndikim pozitiv në lehtësimin e simptomave të refluksit dhe urthit.

Një nga ndryshimet më të thjeshta por pozitive që mund të bëni është të ndryshoni mënyrën si flini.

Mjafton të mbani pak kokën ngritur, pra të mos përdorni një jastëk të sheshtë dhe simptomat e refluksit dhe urthit do të pakësohen ndjeshëm.

Idealisht, koka duhet të qëndrojë 15-20 cm e ngritur në mënyrë që të pengohet dallga djegëse e aciditetit.

Kjo nuk do të thotë që të flini mbi dy jastëkë të ngjeshur mbi njëri tjetrin.

Një gjë e tillë do të harkonte belin dhe do të kompresonte stomakun, diçka që vështirëson gjumin.

Mbajtja e kokës lehtas të ngritur në shtrat ka përfitime shtesë, sidomos me njerëzit që vuajnë nga zemra apo mushkëritë.

Njerëzit që kanë probleme me zemrën apo kanë sëmundje kronike të mushkërisë marrin frymë më lehtë gjatë natës nëse flenë me kokën të ngritur lehtas.

Për njerëzit pa sëmundje të tilla dhe sidomos pa refluks ose urth, kjo teknikë nuk ofron ndonjë përmirësim të dukshëm në frymëmarrje.

Këshilla Të Tjera 

Ekspertët thonë se koha e ushqyerjes është gjithashtu një faktor në shfaqjen e refluksit.

Mjekët thonë se njerëzit nuk duhet të shtrihen menjëherë sapo kanë ngrënë.

Ata duhet të presin rreth 2-3 orë përpara se të shtrihen.

Në shtrat, njerëzit që vuajnë nga refluksi apo urthi duhet të flenë në anën e tyre të majtë sepse ushtron më shumë presion në stomak dhe nuk lejon lëvizjen e aciditetit.

Mos vishni rroba të ngushta në zonën rreth belit dhe mbi të gjitha shmangni konsumin e alkolit, kafesë, domateve, agrumeve, pijeve të gazuara, hudhrës, qepës, të skuqurave dhe ushqimeve pikante. /AgroWeb.org

Ikonat e modës pozojnë së bashku në kopertinën e fundit të British Vogue nga Edward Enninful Mjeti me defekt që po shtynin u përplas me një makinë! Plagosen 2 të rinj

Dy të rinj kanë mbetur të plagosur pasi mjeti që po shtynin pasi kishte pësuar defekt është përplasur me një makinë tjetër.

Raportohet se automjet tip “Benz” me drejtues 20 vjeçarin me iniciae E. A.,, është përplasur me makinën tip “Lancia”, i cili si pasojë e një difekti, po shtyhej nga drejtuesi D. Ç., 24 vjeç, dhe 3 shtetas të tjerë.

Si pasojë e aksidentit, është plagosur 15-vjeçari që po ndihmonte në shtyrjen e mjetit me defekt dhe drejtuesi i “Lancia”, 24-vjeçari me iniciale D. Ç.

Dy të rinjtë janë dërguar në spital, ndërsa 15-vjeçari raportohet se ndodhet në gjendje të rëndë për jetën.

Njoftimi i policisë:

Rreth orës 21:40, në aksin rrugor Sarandë-Ksamil, një automjet tip “Benz” me drejtues shtetasin E. A., 20 vjeç, është përplasur me një automjet tip “Lancia”, i cili si pasojë e një difekti, po shtyhej nga drejtuesi D. Ç., 24 vjeç, dhe 3 shtetas të tjerë.

Si pasojë e aksidentit, njëri prej 3 shtetasve, që po ndihmonin drejtuesin e automjetit “Lancia”, konkretisht shtetasi i mitur E. Ç., 15 vjeç, së bashku me drejtuesin shtetasin D. Ç, janë dëmtuar dhe ndodhen në spital, në kujdesin

Ilnisa dhe Meritoni “zyrtarisht” të martuar, shkëmbejnë unazat në BBV Shpallet gjendja e jashtëzakonshme në Islandë pas shpërthimit të vullkanit Genar Topalli i ulet në gjunjë dhe i propozon për martesë Cindy Marinës

Genar Topalli dhe moderatorja sportive Cindy Marina do të shkojnë drejt altarit.

Djali i Jozefina Topalli iu është ulur në gjunjë partneres së tij duke i propozuar për martesë.

Dhe përgjigja e Cindy Marinës ka qenë “Po”.  Ka qenë vetë modelja që ka publikuar momentin e ëmbël kur ka marrë propozimin për martesë nga Genar Topalli.

Artriti reumatoid, ndryshimet në stilin e jetës që përmirësojnë cilësinë e jetës së pacientëve

Artriti reumatoid karakterizohet nga ngurtësi në mëngjes, ënjtje dhe dhimbje kyçesh, por edhe mundësi e prekjes së organeve të tjera, p.sh. respiratore dhe kardiovaskulare.

Ndodh në të gjitha moshat dhe në të dy gjinitë me një mbizotërim te femrat. Nëse nuk trajtohet, mund të ketë pasoja të rënda për funksionalitetin dhe shëndetin e përgjithshëm të një personi.

Diagnoza dhe trajtimi i hershëm i artritit reumatoid është jashtëzakonisht i rëndësishëm për rezultatin, ndaj nëse vërehen simptoma të tilla, ato duhet të vlerësohen menjëherë nga një reumatolog. Trajtimet farmaceutike të disponueshme për artritin reumatoid në kohën tonë janë të shumta.

Ato janë duke u përmirësuar vazhdimisht dhe në pjesën më të madhe janë shumë efektive, por kanë nevojë për menaxhim të kujdesshëm nga ekspertë dhe monitorim të rregullt klinik dhe laboratorik. Gjithashtu, për shkak të imunosupresionit që sjellin këto trajtime, është planifikuar dhe rekomanduar mbulimi me vaksinim i këtyre pacientëve, për të shmangur infeksionet dhe komplikimet.

Përtej ndërhyrjes farmaceutike, një trajtim më gjithëpërfshirës është po aq i rëndësishëm. Ndonjëherë, njerëzit me RA mund të përfitojnë nga terapia fizike, terapia profesionale, modifikimi i vendit të punës, mbështetja psikosociale dhe trajtimi i sëmundjeve shoqëruese, d.m.th. problemeve shëndetësore që mund të lidhen me RA ose trajtimin e tij (p.sh. infeksionet, osteoporozën, rrezikun kardiovaskular). Terapitë e veçanta plotësuese që janë vlerësuar siç duhet dhe ofrohen nga individë të kualifikuar (p.sh. akupunktura ) gjithashtu mund të ndihmojnë.

Për një nivel të përgjithshëm të mirë të shëndetit, është jashtëzakonisht e rëndësishme të ndryshoni disa zakone të përditshme. Kjo përfshin, ndër të tjera: ndërprerjen e pirjes së duhanit (i cili, ndër rreziqet e njohura, shoqërohet edhe me një rrezik të shtuar të zhvillimit, peshë të shtuar dhe reagim të pamjaftueshëm ndaj trajtimit të Artritit Reumatoid), mbajtjen e një peshe ideale trupore dhe rekomandimin fizik të individualizuar, aktivitet fizik kombuar me ushqimin e mirë .

Njerëzit me Artrit Reumatoid tani mund të kenë një cilësi të shkëlqyer jetese, aktivitet të plotë dhe një jetë normale të përditshme për sa kohë që ata diagnostikohen dhe trajtohen në mënyrë efektive nga reumatologu.

UNESCO: Krijimi i një fondacioni s’përmbush menaxhimin e integruar të Butrintit

Agjencia e Kombeve të Bashkuara për trashëgiminë botërore, UNESCO thotë në një raport për Parkun më të njohur Kombëtar në Shqipëri, Butrintin, se vetëm themelimi i Fondacionit nuk mund të përmbushë rekomandimet për menaxhimim e integruar të Butrintit dhe u rekomandon autoriteteve shqiptare që Ministria e Kulturës të ruajë autoritetin tërësor të kësaj pasurie botërore dhe jo vetëm të një pjese të saj.

Çështja e menaxhimit të Parkut të Butrintit është duke u shqyrtuar nga Gjykata Kushtetuese, e cila në një gjest të pazakontë, ditë më parë, bëri një ndryshim të procedurave të saj, duke i kërkuar qeverisë raportin e UNESCO-s.

Raporti i UNESCO-s është përgatitut në tetor të vitit të kaluar, por qeveria shqiptare nuk kishte dhënë pëlqimin e saj që ai të bëhej publik.

Zëri i Amerikës, e siguroi raportin pranë Institutit Kombëtar të Trashëgimisë Kulturore në bazë të ligjit për të drejtën e informimit.

Raporti i UNESCO-ICOMOS ngre shqetësim të thellë për heqjen nga Parku i Butrintit të rreth 600 hektarëve ku në një pjesë po ndërtohet aktualisht një resort dhe u kërkon autoriteteve shqiptare të dorëzojnë me urgjencë në UNESCO një plan të qartë masash për mbrojtjen e Parkut Kombëtar të Butrintit.

Raporti i përbashkët i UNESCO-ICOMOS, dërguar tek autoritetet shqiptare tetorin e vitit 2023 paraqet kritika të forta për rishikimin e kufijve të Parkut Kombëtare të Butrintit pa venë në dijeni UNESCO-n dhe për mos sigurimin e menaxhimit të integruar të Butrintit, siç kanë kërkuar misionet e mëparshme të organizatës botërore që kanë monitoruar Butrintin.

Misioni i Unescos thotë në raport se se “ përveç krijimit të Fondacionit të ri të Menaxhimit të Butrintit, asnjë propozim tjetër për sigurimin e zbatimit të Planit të Menaxhimit nuk u prezantua gjatë misionit nga autoritetet shqiptare”.

“Vetëm themelimi i Fondacionit nuk mund të përmbushë rekomandimet e misioneve të mëparshme, të Komiteti i Trashëgimisë Botërore dhe vetë Planit të menaxhimit për një menaxhim të integruar të Butritnit, thuhet në raport.

Një marrëveshje mes ministrisë shqiptare të kulturës dhe fondacionit shqiptaro-amerikan të zhvillimit (AADF) për krijimin e një fondacioni për menaxhimin e Butrintit përfshin vetëm njërën zonë të parkut të Butrintit të njohur si zona A3, ku ndodhet pjësa më e madhe e qytetit antik, duke lënë jashtë tre zona të tjera pjesë e parkut kombëtar të Butritntit.

Misioni i UNESCO-s rekomandon në raport se për të siguruar mbrojtjen dhe ruajtjen e vlerave universale të kësaj pasuri botërore dhe integritetin e saj, Ministria e Kulturës duhet të ruajë mbikëqyrjen e menaxhimit të të gjithë pasurisë së trashëgimisë botërore, jo vetëm të një pjese të saj.

Misioni thotë në raport se konfirmoi heqjen së fundi nga Parku Kombëtar i Butrintit të rreth 600 hektarëve nga zona B afër Ksamil, ku aktualisht është në ndërtim e sipër një kompleks turistik rezidencial.

Sipas misionit “heqja e 600 hektarëve nga Parku Kombëtar, nuk është njoftuar në Qendrën e Trashëgimisë Botërore dhe përfaqëson një ndryshim në regjimin mbrojtës të një pjese të ndjeshme të zonës tampon dhe ndoshta edhe të një pjese të vogël të pronës së Trashëgimisë Botërore që tani shtrihet jashtë kufijve të Parkut Kombëtar”.

Misoni i ka bërë të njohur autoriteteve shqiptare se pret një kërkesë zyrtare pranë UNESCO-s për këtë ndryshim të ndërmarrë nga qeveria shqiptare pa dijeninë e organizatës.

Misioni u ka kërkuar autoriteteve shqiptare si çështje urgjente, që t`i sqarojnë Qendrës së Trashëgimisë Botërore se cilat janë masat e mbrojtjes aktualisht për të gjithë pronën e Trashëgimisë Botërore që përfshihet në Parkun e Butrintit dhe zonën e saj tampon brenda kufijve të parkut.

Qeveria shqiptare ka vendosur që menaxhimi i Parkut Kombëtar të Butrintit të kryhet nga një fondacion i krijuar nga Ministria e Kulturës dhe Fondacioni shqiptaro ameirkan i zhvillimit për një afat 10-vjeçar, me të drejtë ripërtëritje.

Ligji u miratua nga Kuvendi në maj të vitit 2022 dhe shkaktoi protesta dhe debate të ndezura nga shoqëria civile dhe nga deputetët opozitarë, që dyshojnë për shfrytëzim të paligjshëm dhe antikushtetues të një pasurie të madhe të vendit, e cila mund të dëmtohet nga menaxhimi përmes kësaj forme.

Një grup prej 36 deputetësh opozitarë i kërkuan Gjykatës Kushtetuese që ta shfuqizojë si antikushtetues ligjin mbi administrimin e Parkut Kombëtar të Butrintit.

Gjykata Kushtetuese, në një gjest të pazakontë, pak ditë më parë, bëri një ndryshim të procedurave të saj, duke i kërkuar qeverisë raportin e UNESCO-s dhe rihapjen e seances plenare për Butrintin./VOA